زه‌لام كیژان ژنێ دهه‌لبژێریت؟

زه‌لام كیژان ژنێ دهه‌لبژێریت؟

Capture

وار – دهۆک :

هه‌رده‌م زه‌لام لدووڤ چه‌ند تایبه‌تمه‌ندییه‌كان دا دگه‌ڕن د ‌هه‌لبژارتنا ژنان دا، هه‌تا بكه‌نه‌ هه‌ڤژینێن ژیانا خوه‌.
سه‌ره‌كیترین ئه‌و تایبه‌تمه‌ندیێن كو زه‌لام دخوازن د ژنان دا هه‌بن و ژبه‌ر وان تایبه‌تمه‌ندییان زه‌لام ب زووترین ده‌م بڕیارێ بده‌ن لسه‌ر دیاركرنا هه‌ڤژینا ژیانا وان، ئه‌ڤ خالێن ل خوارێنه‌:
1ــ ژنه‌كا ئارام:
زه‌لام نه‌شێن سه‌ره‌ده‌ریێ د گه‌ل ژنێن تووڕه‌ دا بكه‌ن كو لسه‌ر هه‌موو تشتان د گه‌ل وان دا گه‌نگه‌شه‌یێ بكه‌ن و تووڕببن، به‌لكو ئه‌و زێده‌تر ب دووڤ ژنێن ئارام و لسه‌رخوه‌ دگه‌ڕن و لده‌ف وان ژیان د گه‌ل ژنێن هۆسا دا خوه‌شتر و بێ كێشه‌تره‌ و ژیانێ د گه‌ل وان دا دێ ب ساناهى به‌نه‌ سه‌رى.
2ــ ژنا ب سۆز و ره‌فتار نه‌رم:
چو زه‌لامه‌ك، ژنه‌كێ ناكه‌ته‌ هه‌ڤژینا خوه‌ كو ره‌فتاره‌كا توند و نه‌خوه‌ش هه‌بیت و هه‌ر گوفتوگۆكرنه‌ك د گه‌ل وێ دا ب قێرى و دلمانیێ ب دووماهى بهێت، به‌لكو زه‌لامان، ژنێن ب سۆز و ره‌فتار نه‌رم هه‌لدبژێرن و وان دكه‌نه‌ دایكێن زاڕۆیێن خوه‌.
3ــ رۆمانسی:
تشته‌كێ سروشتییه‌ كو زه‌لام ب دووڤ ژنێن رۆمانسى دا بگه‌ڕن، كو د هه‌لكه‌ڤتێن ژدایكبوون و هه‌ بیره‌وه‌رییه‌كێ دا دیارییان پێشكێش بكه‌ن و كارێ رۆژانه‌ كاریگه‌رى نه‌بیت لسه‌ر په‌یوه‌ندیێن وان، و وان تشتان ژى وه‌كو دیارى پێشكێش بكه‌ت كو دلێ وان پێ خوه‌شه‌.
4ــ باوه‌رى:
زه‌لامان ئه‌و ژنه‌ لده‌ف وان دهێنه‌ په‌سه‌ندكرن كو باوه‌رى ب هه‌موو تشتان هه‌بن و گوفتوگۆیێ لسه‌ر هه‌موو تشتان ناكه‌ن، به‌لكو وان پێ خوه‌شه‌ د هه‌موو پێنگاڤان دا پرسێ ب زه‌لامێن خوه‌ بكه‌ن و بۆچوویێن وان وه‌ربگرن به‌رى ئه‌نجامدانی هه‌ر كاره‌كێ خوه‌، هه‌ر وه‌كو رازى بیت ب وى تشتێ هه‌ى و داخوازێ زێده‌تر نه‌كه‌ت.
5ــ گرنگیدان ب جوانیێ:
چو گومان تێدا نینه‌ كو زه‌لامان پێ خوه‌شه‌ هه‌ڤژینێن وان گرنگیێ ب خوه‌ بده‌ن، داكو جوانتر و خوه‌شتڤیتر بن لده‌ف زه‌لامێن خوه‌، له‌و ژى بۆ وێ ئێكێ كو ژن، زه‌لامێن خوه‌ پتر نێزیكى خوه‌ بكه‌ن و جهێ خوه‌ زێده‌تر د دلێن وان دا بكه‌ن، پێدڤییه‌ گرنگیێ سیما و جوانییا خوه‌ بده‌ن، ب تایبه‌ت ژى ده‌ما ل مال دگه‌ل هه‌ڤژینێن خوه‌ نه‌، كو هه‌ڤژینێن وان بزانن، ئه‌و بۆ زه‌لامێن خوه‌، خوه‌ دخه‌ملینن و جوان دكه‌ن.
ئه‌ڤ خالێن كو ب وان تایبه‌تمه‌ندییان دهێنه‌ هه‌ژمارتن كو زه‌لام حه‌زدكه‌ن لده‌ف ژنێن وان هه‌بن، ب فاكته‌رێن هه‌ره‌ سه‌ره‌كى دهێنه‌ زانین كو په‌یوه‌ندییا هه‌ڤژینیێ د ناڤبه‌را ژن و مێران دا خورت بیت و هه‌موو ده‌مێن وان ب خوه‌شى و ڤیان ده‌ربازبن.

بابه‌تێن ب ڤێ مژارێ ڤه‌ گرێدای