زانایان چاره‌یه‌ك بۆ قه‌له‌ویێ ئاشكه‌را كر

زانایان چاره‌یه‌ك بۆ قه‌له‌ویێ ئاشكه‌را كر

وار – دهوك :

چه‌ند زانایێن زانكۆیا هارفارد یا ئه‌مریكێ، رێیا كۆنترۆلكرنا قه‌له‌وییێ ئاشكه‌را كر و شیان ب رێییا لێكۆلینێ ل سه‌ر مشكان سه‌ده‌مێ قه‌له‌وییێ ب راوه‌ستینن.
زانایان ئاشكه‌را ژی كر؛ هنده‌ك مرۆڤان جینه‌یه‌كا دیاركری هه‌یه‌ و هاریكارن بۆ خرڤه‌بوونا ماده‌ییێن چه‌وری د له‌شێ وان دا، له‌ورا ئه‌و یه‌كه‌ دبیته‌ سه‌ده‌مێ زێدبوونا كێشه‌ییێ و قه‌له‌وی ژێ په‌یدا دبیت.
ئاشكه‌را ژی كرییه‌؛ ب رێیا كۆنترۆلكرن و ژناڤبرنا وێ جینێ ئه‌وا دبیته‌ سه‌ده‌مێ قه‌له‌وییێ كێشه‌یا مرۆڤی جێگیر دمینیت.
هه‌روه‌سا زانایێن زانكۆیا هارڤارد ئاماژه‌ ب وێ یه‌كێ ژی كر؛ پشتی ئه‌وان ئه‌و جینه‌ د له‌شێ مشكان دا ژناڤبری 50% یا چه‌ورییێ زێده‌ هاته‌ ژناڤبرن و له‌شێ وان ما جێگیر، له‌و ب رێیا داهێنانا ده‌رمانه‌كێ گۆنجایی دێ رێ ل وێ دیارده‌یا كرێت هێته‌ گرتن.
ژ به‌ركو له‌شێ مشكان ژ روویێ چێكرنێ ڤه‌ گه‌له‌ك وه‌كی یێ مرۆڤانه‌ له‌و پترییا لێكۆلینین نوژداران ل سه‌ر مشكان د هێنه‌ ئه‌نجام دان و تاراده‌یه‌كێ مه‌زن ئه‌و لێكۆلینین ل سه‌ر وان هاتینه‌ كرن و سه‌ركه‌فتن ئینایی ل سه‌ر مرۆڤان ژی ب هه‌مان ئاوا بوون.

بابه‌تێن ب ڤێ مژارێ ڤه‌ گرێدای