زاخۆ 20 هه‌ڤبه‌ست ئیمزاكرن و نووكرن

زاخۆ 20 هه‌ڤبه‌ست ئیمزاكرن و نووكرن

وار – تاهر رێكانى :

بۆ بهێزكرنا تیما خۆ یا ته‌پاپێى ئه‌وا پشكدار دخولا ئیراقێ دا بۆ یانه‌یێن پلا نایاب كارگێرییا یانه‌یا زاخۆ هه‌ڤبه‌ستا 20 یاریكه‌ران نووكر و ئیمزاكر، ژ وانا دو رۆمانى نه‌ و ئێك ژ خولا ئیتالیا هاتیه‌ و هه‌ر ژ نۆكه‌ یێ ده‌ست ب یه‌كه‌یێن راهێنانێ كرى.
بۆ پتر رۆنكرن لدۆر نووكرن و گرێدانا هه‌ڤبه‌ستێن یاریكه‌ران خه‌لیل ئه‌حمه‌د سكرتێرێ یانه‌یا زاخۆ تایبه‌ت بۆ رۆژنامه‌یا وار دیاركر و گۆت، پشتى گرێدانا هه‌ڤبه‌ستا راهێنه‌رێ رۆمانى و گه‌هشتنا وى بۆ باژێرێ زاخۆ ب مه‌ره‌ما سه‌رپه‌رشتیكرنێ لسه‌ر تیما خولا ئیراقێ، لدویف داخازا راهێنه‌رێ و كارگێریێ هه‌ر زوو مه‌ ده‌ست ب گرێدانا هه‌ڤبه‌ستانكر داكو به‌رهه‌ڤیێن باش بۆ خولا وه‌رزێ بهێت بكه‌ین، بۆ ڤى وه‌رزێ مه‌ هه‌ڤبه‌ستا حه‌فت یاریكه‌رێن وه‌رزێ بۆرى ئاسته‌كێ باش پێشكێشكرى هاته‌ نووكرن و گۆتژى پتریا هه‌ڤبه‌ستان بۆ ماوه‌یێ ئێك وه‌رزه‌، ناڤێن یاریكه‌رێن هه‌ڤبه‌ستا زاخۆ ئیمزاكرى و ئه‌و یانه‌یێن ژێ هاتین.
یاریكه‌رێن هه‌ڤبه‌ستێن وان هاتینه‌ نووكرن ئه‌ڤێن خوارێ نه‌:
• جاسم محه‌مه‌د حاجى ژ یانه‌یا زاخۆ.
• دلۆڤان مه‌هدى ژ یانه‌یا زاخۆ.
• فه‌رحان شه‌كور ژ یانه‌یا زاخۆ.
• عه‌لى عه‌بدولكه‌ریم ژ یانه‌یا زاخۆ.
• دیار یاخى ژ یانه‌یا زاخۆ.
• كامیران عه‌لى ژ یانه‌یا زاخۆ.
• ستار یاسین ژ یانه‌یا زاخۆ.
یاریكه‌رێن نوو هه‌ڤبه‌ست گرێداى :
• محه‌مه‌د حه‌مید ژ یانه‌یا شورته‌.
• هه‌ردى سیامه‌ند ز یانه‌یا هه‌ولێرێ.
• كوسره‌ت پاییز ژ یانه‌یا هه‌ولێرێ.
• عه‌باس قاسم ژ یانه‌یا به‌غدا.
• ئه‌میر سه‌باح ژ یانه‌یا به‌غدا.
• ئه‌حمه‌د عه‌باس ژ یانه‌یا به‌غدا.
• مسته‌فا عه‌بدولجه‌بار ژ یانه‌یا سحه‌.
• عه‌لا خه‌میس ژ یانه‌یا كه‌رخ.
• سه‌فا جه‌لال ژ یانه‌یا نه‌فت ئه‌لجنوب.
• عه‌لى سه‌لاح ژ یانه‌یا ته‌له‌به‌.
زێده‌بارى سێ پیشه‌كارێن بیانى
• دانیال ژ یانه‌یا ئنته‌ر میلان یا ئیتالى.
• كریستیان ژ خولا رۆمانیا.
• فلۆرین كۆستا ژ خولا رۆمانیا.
ژلایه‌كێ دویڤه‌ سكرتێرێ یانه‌یا زاخۆ دبێژیت، نۆكه‌ پتریا ڤان یاریكه‌ران گه‌هشتینه‌ زاخۆ و ده‌ست ب راهێنانان كرینه‌ و هه‌ر وه‌سان مه‌ لبه‌ره‌ ل ده‌هێ مه‌ها بهێت بچینه‌ رۆمانیا بۆ دانانا كه‌مپه‌كێ راهێنانێ و دێ بۆ ماوه‌یێ 20 رۆژان یێ به‌رده‌وام بیت و دڤێ ماوه‌یێ دا دێ چه‌ند یاریێن هه‌ڤالینى ئه‌نجام ده‌ین، داكو هه‌ر ژ ده‌ستپێكا خولا ئیراقێ ئه‌وا بریاره‌ ل 15ێ مه‌ها ئیلۆنێ ده‌ستپێبكه‌ت تیما مه‌ بهێز بچیته‌ دناڤ هه‌ڤركییاندا.

بابه‌تێن ب ڤێ مژارێ ڤه‌ گرێدای