زاخۆ هه‌ڤبه‌ستا گۆلچییه‌كێ هه‌لبژارتیێ ئیراقێ ئیمزاكر

زاخۆ هه‌ڤبه‌ستا گۆلچییه‌كێ  هه‌لبژارتیێ ئیراقێ ئیمزاكر

وار – دهۆک :

ب مه‌ره‌ما بهێزكرنا رێزێن تیما خۆ یا ته‌پاپێى ئه‌وا پشكدار دخولا نایاب ئیراقێ دا، كارگێرییا یانه‌یا زاخۆ ب فه‌رمى هه‌ڤبه‌ستا گۆلچیێ به‌رێ یێ هه‌لبژارتیێ ئیراقێ و یانه‌یا شورته‌ گرێدا.
لدۆر ڤێ چه‌ندێ تاها عه‌بدولحه‌كیم تایبه‌ت بۆ رۆژنامه‌یا وار گۆت، پشتى گه‌هشتینه‌ دانۆستاندنێن دوماهیێ شه‌ڤا بۆرى ل باژێرێ به‌غدا كارگێرییا یانه‌یا زاخۆ هه‌ڤبه‌ستا محه‌مه‌د حه‌مید گۆلچیێ وه‌رزێ بۆرى یێ یانه‌یا شورته‌ گرێدا و ناڤبرى دیاركر ژى كو ئه‌ڤ هه‌ڤبه‌سته‌ بۆ ماوه‌یێ ساله‌كێ یه‌ و دێ پشكداریێ دگه‌ل تیما خولا نایابا ئیراقێ كه‌ت.
تێزانین محه‌مه‌د حه‌مید به‌رى نۆكه‌ یارى بۆ یانه‌یێن رومادى و كه‌هره‌با و شورته‌ و زێده‌بارى تیما هه‌لبژارتیێ ئیراقێ كریه‌، ئه‌ڤه‌ دبیته‌ هه‌ڤبه‌ستا دووێ د ئه‌ڤ ساله‌دا پشتى یا پیشه‌كارێ رۆمانى یانه‌یا زاخۆ ئیمزا دكه‌ت و نۆكه‌ ژى ل به‌غدا چاڤه‌رێ و لێگه‌ریانا چه‌ند یاریكه‌رێن دینه‌ بۆ ئینانێ ناڤ رێزێن تیمێ بۆ وه‌رزێ بهێت.

بابه‌تێن ب ڤێ مژارێ ڤه‌ گرێدای