زاخۆ راهێنه‌رێ رۆمانێ پێشكێشى ده‌زگایێن راگه‌هاندنێ كر

زاخۆ راهێنه‌رێ رۆمانێ پێشكێشى ده‌زگایێن راگه‌هاندنێ كر

وار – تاهر رێكانى :

ب به‌رهه‌ڤبوونا هژماره‌كا ده‌زگایێن راگه‌هاندنێ ل هۆلا كۆنفرانسان ل باره‌گایێ یاریگه‌ها یانه‌یا زاخۆ یا ده‌وله‌تى شه‌ڤا ده‌ربازبووى كارگێرییا یانه‌یا زاخۆ راهێنه‌رێ خۆ یێ نوو یێ رۆمانى (ئیلیان ستان) پێشكێشى ده‌زگایێن راگه‌هاندنێ كر و ب فه‌رمى هه‌ڤبه‌ستا وى هاته‌ ئیمزاكرن.
لدۆر ڤێ چه‌ندێ حسێن سالح جێگرێ سه‌رۆكێ یانه‌یێ بۆ ده‌زگایێن راگه‌هاندنێ دیاركر كو هه‌‌ڤبه‌ست دگه‌ل راهێنه‌رێ رۆمانێ بۆ ماوه‌یێ سێ وه‌رزان هاته‌ ئیمزاكرن، ب مه‌ره‌ما سه‌رپه‌رشتیێ لسه‌ر تیما زاخۆ ئه‌وا پشكدار دخولا ئیراقێ دا بۆ یانه‌یێن پلا نایاب، دیسان ناڤبرى دا دیاركرن كو د هه‌مان ده‌مدا كارگێرییا ناڤبرى هه‌به‌ست دگه‌ل یاریكه‌رێ به‌رێ یێ هه‌لبژارتیێ ئیراقێ و یاریكه‌رێ یانه‌یا هه‌ولێرێ عه‌لى وه‌هیب گرێدا وه‌كو رێڤه‌به‌رێ تیمێ ل وه‌رزێ بهێت، ئه‌وێ لجهێ ئه‌حمه‌د والى هاتیه‌ دانان، هه‌ر وه‌سان ب شێوه‌یه‌كێ تیۆرى گه‌هشتینه‌ رێكه‌ڤتنا دوماهیێ دگه‌ل راهێنه‌رێ گۆلجییان یێ وه‌رزێ بۆرى محه‌مه‌د جه‌میلى بۆ گرێدانا هه‌ڤبه‌ستێ ژبه‌ركو نه‌یێ به‌رهه‌ڤبووى.
ژلایێ خۆڤه‌ ژى عه‌بدولوه‌هاب محه‌مه‌د عیسا سه‌رۆكێ یانه‌یا زاخۆ گۆت، ئه‌م یێ ل وێ باوه‌رێ كو ل وه‌رزێ بهێت ب شیانێن راهێنه‌رێ نوو و خه‌مخۆریا یاریكه‌ران و ئه‌نجامێن باش یێن تیمێ ب كورێن بازێرێ زاخۆ دێ یاریگه‌ها مه‌ پربیت ژ جه‌ماوه‌ر و حه‌ژێكه‌رێن یانه‌یێ.
تێزانین ل وه‌رزێ بۆرى یانه‌یا زاخۆ ژ سه‌رجه‌مێ 18 یارییان 20 خال كومكربوون و لرێزبه‌ندا حه‌فتێ ژ كۆما ئێكێ دهات.

بابه‌تێن ب ڤێ مژارێ ڤه‌ گرێدای