زاخۆ دو هه‌ڤبه‌ست نووكرن و دو ئیمزاكرن

زاخۆ دو هه‌ڤبه‌ست نووكرن و دو ئیمزاكرن

وار – شڤان خه‌لیل :

كارگێرییا یانه‌یا زاخۆ هه‌ڤبه‌ستا دو یاریكه‌رێن خۆ یێن تیما ته‌پاپێى یێن وه‌رزێ بۆرى، ئه‌وێن پشكدار د هه‌ردو خولێن ئیراقێ و هه‌رێمێ دا نووكرن و هه‌ر وه‌سان هه‌ر دوهى ئێڤارى هه‌ڤبه‌ست دگه‌ل دو یاریكه‌رێن به‌غدا ئیمزاكر و بڕیاره‌ سوباهى راهێنه‌رێ رۆمانى بگه‌هیته‌ زاخۆ ب مه‌ره‌ما ده‌ستپێكرنا به‌رهه‌ڤیێن تیمێ.
ب مه‌ره‌ما بهێزكرنا رێزێن تیمێن خۆ یێن ته‌پاپێى ئه‌وێن پشكدار د هه‌ردو خولێن نایابا كوردستانێ و ئیراقێ دا و لدویف داخازا راهێنه‌رى و مفا وه‌رگرتن ژ سه‌ربۆرا وه‌رزێ بۆرى، شه‌ڤا بۆرى كارگێرییا یانه‌یا زاخۆ ب فه‌رمى هه‌ڤبه‌ستا دو یاریكه‌رێن خۆ نووكرن.
لدۆر ڤێ چه‌ندێ لوقمان ئیبراهیم ئه‌ندامێ ده‌سته‌كا كارگێرییا یانه‌یا زاخۆ تایبه‌ت بۆ رۆژنامه‌یا وار دیاركر و گۆت، ژبه‌ركو هه‌ردو یاریكه‌ران عه‌لى عه‌بدولكه‌ریم گۆلچیێ تیمێ و ستار یاسین یاریكه‌رێ هێلا هێرشبرنێ ل وه‌رزێ بۆرى ئاسته‌كێ باش پێشكێشكربوو و هه‌ڤبه‌ستا وان بۆ ماوه‌یێ وه‌رزه‌كێ یه‌ و هه‌ر وه‌سان ناڤبرى ئاماژه‌ ب وێ یه‌كێ دا كو بریاره‌ دڤان رۆژێن بهێت دا چه‌ند یاریكه‌رێن دى یێن تیمێ دگه‌ل سه‌رپه‌رشتێ تیمێ عه‌لى وه‌هیب ب گه‌هنه‌ زاخۆ ئه‌وژى یاریكه‌ران كامیران عه‌لى و فه‌رحان شه‌كور و دیار یاخى و كوسره‌ت پایز و هه‌ردى سیامه‌ند و ئه‌میر سه‌باح، زێده‌بارى چه‌ند یاریكه‌رێن بیانى ژ یانه‌یێن خولا ئیراقێ، لوقمانى دیاركر ژى كو بریاره‌ سوباهى رۆژا ئێكێ جه‌ژنێ راهێنه‌رێ رۆمانى ئه‌وێ دێ سه‌رپه‌رشتییا تیما زاخۆ دخولا ئیراقێ دا كه‌ت گه‌هیته‌ زاخۆ بۆ ده‌ستپێكرنا به‌رهه‌ڤیێن تیمێ، ب هیڤییا وێ چه‌ندێ باشترین به‌رهه‌ڤییان بۆ وه‌رزێ بهێت بكه‌ین و بشێن هه‌ڤركیێ لسه‌ر رێزێن پێشیێ بكه‌ن.
ژلایه‌كێ دویڤه‌ دوهى ئێڤارى شاندێ یانه‌یا زاخۆ ئه‌وێ ژ عه‌لى وه‌هیب رێڤه‌به‌رێ تیمێ و تاها عه‌بدولحه‌كیم پێكهاتى ل باژێرێ به‌غدا گه‌هشته‌ رێكه‌ڤتى دگه‌ل دو یاریكه‌رێن دى ئه‌وژى مسته‌فا عه‌بدولجه‌لیل ژ یانه‌یا صحه‌ ئه‌وا پشكدار دخولا پلا ئێكێ دا و عه‌لا خه‌میس ژ یانه‌یا كه‌رخ، هه‌ردو یاریكه‌رێن ناڤبرى بۆ تیما خولا ئیراقێ هاتینه‌ دناڤ رێزێن زاخۆ دا.

بابه‌تێن ب ڤێ مژارێ ڤه‌ گرێدای