زاخارۆڤا: دانوستاندنێن كوردان و حكوومه‌تا سووریا گرنگن

زاخارۆڤا: دانوستاندنێن كوردان و حكوومه‌تا سووریا گرنگن

WAAR-دهۆك:

وەزارەتا دەرڤە یا رۆسیا دانوستاندنێن كوردێن رۆژئاڤایێ كوردستانێ و رژێما سووریا ب گرنگ ناڤ كرن و خواست ده‌ڤه‌رێن هێزێن ئه‌مریكی لێ ڤه‌گه‌رنه‌ ل بن كۆنترۆلا دیمه‌شقێ.
ماریا زاخارۆڤا، پەیڤدارا وەزارەتا دەرڤە یا رۆسیا د پشكه‌كا كۆنگره‌یێ خوه‌ یێ رۆژنامه‌ڤانی دا به‌حسا دانوستاندنێن د ناڤبه‌را كوردان و رژێما سووریا دا كر و تێدا گۆت: مۆسكۆ وێ پێنگاڤێ ب گرنگ دبینیت و وێ به‌رده‌وام د كۆمبوونێن ل گه‌ل كوردێن وان ده‌ڤه‌ران دا ئه‌و یه‌كه‌ باس كرییه‌، ژ به‌ر كو كورد ژی به‌شه‌كن ژ جڤاكێ سووری و دڤێت حكوومه‌ت ڤه‌گه‌ریته‌ ده‌ڤه‌رێن وان.
زاخارۆڤایێ گۆت ژی: بریارا ئەمریکا یا ڤەکێشانا ھێزێن خوه‌ ژ سووریا دێ رێیێ ل هه‌مبه‌ری لهه‌ڤهاتنا سیاسی یا د ناڤبه‌را حكوومه‌تا سووریا و گرۆپێن چه‌كداری دا خوه‌ش كه‌ت، دڤێت ئه‌و ده‌ڤه‌رێن نها د ده‌ستێن هێزێن ئه‌مریكی دا دوباره‌ ڤه‌گه‌رنه‌ ل بن كۆنترۆلا سوپایێ حکوومەتێ.

بابه‌تێن ب ڤێ مژارێ ڤه‌ گرێدای