رێککەفتنا هەسەدە و رژێمێ بۆ هەموو رۆژئاڤایێ کوردستانێ یە

WAAR-دهۆك:

ئەندامەکێ پەرلەمانێ سووریێ بۆ وار ئاشکەرا کر، کو رێککەفتنا هەسەدە و رژێمێ بۆ هەموو رۆژئاڤایێ کوردستانێ یە و منبج و کۆبانێ قوناغا ئێکێ نە.
ئۆمەر ئۆسێ، پەرلەمانتارێ کورد یێ پەرلەمانێ سووریێ بۆ وار راگەهاند: رێککەفتنا هێزێن سووریایا دیمۆکراتیک، هەسەدە و رژێما سوورییێ دوهی ل بنگه‌هێ سه‌ربازی یێ حمێمیم یێ رۆسی هاتییە کرن و دێ هەموو دەڤەرێن سنۆری یێن باکورێ سوورییێ ب خوە گریت.
گۆت ژی: قوناغا ئێکێ ژ وێ رێککەفتنێ رادەستیکرنا منبج و کۆبانێ یە ژ ئالییێ هەسەدێ ڤە.
هەر ئەڤرۆ ژێدەرەکی ژ ناڤ رێزێن هەسەدێ بۆ وار راگەهاندبوو، کو رێککەفتنا وان و رژێمێ تنێ سەربازی یە، نە سیاسی.
ئەڤە ژی د دەمەکی دا یە، کو رۆژا پێنجشەمبێ هەسەدێ ئەمریکا ئاگەهدار کربوو، کو گەر فرۆکه‌یێن وان رۆژئاڤایێ کوردستانێ ل هەمبەر هێرشێن تورکیا نەپارێزن، دێ هەسەدە نەچار بیت پەنایێ بۆ رۆسیا و رژێما سوورییێ بەت.

بابه‌تێن ب ڤێ مژارێ ڤه‌ گرێدای