رێڤەبەرییا خۆسەر 5 زارۆیێن داعشێ رادەستی فرەنسا کرن

رێڤەبەرییا خۆسەر 5 زارۆیێن داعشێ رادەستی فرەنسا کرن

WAAR-دهۆك:

رێڤەبەرییا خۆسەر ل رۆژئاڤایێ کوردستانێ راگەھاند؛ ئەوان 5 زارۆیێن داعشێ یێن کێمتر ژ پێنج سالیێ رادەستی شاندەکێ وەزارەتا دەرڤە یا فرەنسا کرینە.
ئۆفیسا پەیوەندیێن دەرڤە یا رێڤەبەرییا خۆسەر ل رۆژئاڤایێ کوردستانێ د بەیانەکێ دا راگەھاند؛ ل سەر داخوازا حکومەتا فرەنسا و د چارچووڤێ ھەماھەنگییا ھەڤپشک و پێگیرییا وان ب پەیمانێن ناڤدەولەتی ئه‌وێن پاراستنا مافێن مرۆڤی، وان 5 زارۆیێن فرەنسی یێن مالباتێن داعشێ رادەستی حکومەتا فرەنسا کرینە.
رێڤەبەرییا خۆسەر ئاشکرا کر، داکو ئەو زارۆ ژ ژینگەھا توندوتیژیێ و تیرۆرێ دوور بکەڤن و د ژینگەھەکا ئەرێنی و ساخلەم دا بژین و ل سەر داخواز مالباتێن وان، ئەو 5 زارۆیێن ژ 5 سالیێ کێمتر، رادەستی شاندەکێ وەزارەتا دەرڤە یا فرەنسا کرینە.

بابه‌تێن ب ڤێ مژارێ ڤه‌ گرێدای