رێژه‌یا به‌ردانێ ل هه‌رێما كوردستانێ 15% زێده‌ بوویه‌

رێژه‌یا به‌ردانێ ل هه‌رێما كوردستانێ 15% زێده‌ بوویه‌

وار – ميديا :

د هه‌رێما كوردستانێ 58 % ئه‌وێن ژن ئینایین دناڤبه‌را 15 تا 25 سالییێ دانه‌ و د هه‌مبه‌ر دا 41% ژی یێن ژێكڤه‌بووین.
ل گۆر ئامارێن جڤاتا دادوه‌رییا هه‌رێمێ دیاركرییه‌؛ پترییا ئه‌وێن ژێك ڤه‌بووین ئه‌و كه‌سن یێن د ته‌مه‌نێ گه‌نجاتییێ دا، هه‌ڤژینی پێك ئینایی و گه‌ر شه‌ش مه‌هێن ئه‌ڤ ساله‌ د گه‌ل یێن سالا بووری هه‌ڤبه‌ر بكه‌ین ،رێژه‌یا به‌ردانێ ل باژارێن هه‌ولێر و سلێمانی و دهۆك و كه‌ركووك و گه‌رمیان 15% زێده‌بوویه‌.
ئاشكه‌را ژی كرییه‌؛ د شه‌ش مه‌هێن ئه‌ڤ ساله‌دا نه‌هــ هزار و 262 حاله‌تێن به‌ردانێ ل دادگه‌هین هه‌رێمێ هاتینه‌ تۆماركرن و ژ وانا سێ هزار و 842 حاله‌ت ته‌مه‌نێ وان دناڤبه‌را 15 تا 25 سالییێ دابوون‌.
جڤاتا دادوه‌رییا هه‌رێمێ دایه‌ زانین ژی؛ د شه‌ش مه‌هێن ده‌ستپێكا ئه‌ڤ ساله‌ 43 هزار و 582 حاله‌تێن پێك ئینانا هه‌ڤژینییێ هاتینه‌ تۆماركرن و 25 هزار و 368 کو ژ وانا ته‌مه‌نێ وان د ناڤبه‌را 15 تا 25 سالییێ دا بوون‌. ش

بابه‌تێن ب ڤێ مژارێ ڤه‌ گرێدای