رێنومایێن حوكمه‌تێ بۆ رووبرووبوونێ هاتنه‌ راگه‌هاندن.. په‌رسیڤا بالنده‌یان گه‌هشته‌ كوردستانێ

رێنومایێن حوكمه‌تێ بۆ رووبرووبوونێ هاتنه‌ راگه‌هاندن.. په‌رسیڤا بالنده‌یان گه‌هشته‌ كوردستانێ

وار – دهۆک :

په‌رسیڤا بالنده‌یان ل سێ گوندێن پارێزگه‌ها سلێمانیێ هاته‌ دیتن و حوكمه‌تا هه‌رێمێ ژى 637 ملیۆن دینار بۆ رووبرووبوونا وێ ته‌رخانكرن.

د كۆنفرانسه‌كێ رۆژنامه‌ڤانى دا عه‌بدولستار مه‌جید وه‌زیرێ چاندنێ یێ هه‌رێمێ راگه‌هاند، وان ب فه‌رمى رێكخراوا ساخله‌مییا جیهانى ئاگه‌هدار كرییه‌ ل سه‌ر به‌لاڤبوونا نه‌خۆشییا په‌رسیڤا بالنده‌یان ل هه‌رێما كوردستانێ.

پشتى پشكنین بۆ مراربوونا چه‌ند بالنده‌یان ل سێ گوندێن سه‌ر ب ناحیا پیره‌مه‌گرۆنڤه‌ ل پارێزگه‌ها سلێمانیێ هاتینه‌ كرن ل تاقیگه‌ها سلێمانیێ و هه‌روه‌سا تاقیگه‌ها ناڤه‌ندییا هه‌ولێرێ دیاربوویه‌ ب ڤایرۆسێ H5N1 مراربووینه‌ كو ئه‌گه‌رێ په‌یدابوونا نه‌خۆشییا په‌رسیڤا بالنده‌یانه‌.

عەبدولستار مه‌جید دیاركر ژى، ئه‌و نه‌خۆشى ب رێیا چه‌ند بالنده‌یه‌كێن كووڤى ژ وه‌لاته‌كێ دراوسى بۆ ناڤ هه‌رێما كوردستانێ هاتییه‌ ڤه‌گوهاستن و گۆت: پشتى سه‌رۆكاتییا جڤاتا وه‌زیران هاتییه‌ ئاگه‌هداركرن، 637 ملیۆن دینار بۆ رووبرووبوونا وێ نه‌خۆشیێ ته‌رخانكرن.

وه‌زیرێ چاندنێ ژ وه‌لاتیێن كوردستانێ دخوازیت خوه‌ بپارێزن ژبه‌ر كو نه‌خۆشییه‌كا خه‌ته‌ره‌ و بۆ ڤێ چه‌ندێ ژى پێدڤییه‌ وه‌لاتى بۆ ده‌ستكه‌زڤتنا گۆشتێ مریشكان پشتبه‌ستنێ ل سه‌ر سه‌ربڕگه‌هان بكه‌ن.

لگۆر بریاڕێن نوویێن حوكمه‌تێ بۆ به‌لاڤه‌نه‌بوونا H5N1 فرۆشتنا مریشكێن ساخ ل جاده‌، كۆلان و بازاڕان قه‌ده‌غه‌یه‌، هه‌روه‌سا بازاڕێن بالنده‌یێن كووڤى دێ هێنه‌ گرتن و ڤه‌گوهاستنا مریشكان ژى د ناڤ پارێزگه‌هان دا دێ هێته‌ قه‌ده‌غه‌كرن.

 

بابه‌تێن ب ڤێ مژارێ ڤه‌ گرێدای