رێكخستنا خوارنێ یا نێڤده‌وله‌تی: ره‌وشا ئدلبێ كاره‌ساته‌

رێكخستنا خوارنێ یا نێڤده‌وله‌تی: ره‌وشا ئدلبێ كاره‌ساته‌

WAAR-دهۆك:

رێكخستنا خوارنێ یا نێڤده‌وله‌تی ئه‌ڤرۆ ئاماژه‌ كره‌ هێرشێن سوپایێ سووریێ ل سه‌ر ئۆپۆزسیۆنێ ل پارێزگه‌ها ئدلبێ و هۆشداری دان كو ره‌وش ل ئدلبێ به‌ر ب كاره‌ساتا مه‌زن ڤه‌ دچیت‌.
مه‌روا عه‌واد ژ رێكخستنا خوارنێ یا نێڤده‌وله‌تی گۆت: ب ئه‌گه‌رێ شه‌ر و توندوتیژییان رێكخستنا وان چه‌ندین چالاكیێن خوه‌ ل باكۆرێ رۆژئاڤایێ سووریێ راگرتینه‌ و ره‌وش ل وێ ده‌ڤه‌رێ به‌ر ب كاره‌ساتا مه‌زن ڤه‌ دچیت‌، ئه‌و نه‌شیاینه‌ هاریكاریان بگه‌هینه‌ حه‌فت هزار كه‌سێن گه‌له‌ك پێدڤی.
عه‌وادێ دیار كر، بۆمبه‌بارانكرنا به‌رده‌وام، ب سه‌دان هزار كه‌س نه‌چار كرینه‌ ئاواره‌ ببن و نها سێسه‌د هزار كه‌س ل پارێزگه‌ها ئدلبێ ئاواره‌ نه‌ و كێم ژ وان شیاینه‌ خوه‌ بگه‌هینه‌ كه‌مپێن تایبه‌ت ل نێزیك سنۆرێ توركیا.
ژ ئالیێ خوه‌ ڤه‌ نێرینگه‌ها سووری یا مافێن مرۆڤی راگه‌هاند، ئه‌ڤرۆ ژی بۆمبه‌بارانكرنا سوپایێ سووریێ ل سه‌ر چه‌ندین ده‌ڤه‌رێن هێزێن ئۆپۆزسیۆنێ به‌رده‌وام بوو.

بابه‌تێن ب ڤێ مژارێ ڤه‌ گرێدای