رێفراندوم ھەستەکا نشتیمان پەروەرییە و بەرھەمێ وێ سەربخوەیی و ئازادىیە

سەرهەنگ حسێن
هه ر چه نده هه مى رێکارێن دستووری و یاسایی ھاتینە وەرگرتن بۆ ئەنجامدانا راپرسی یێ د دەمێ دەست نیشانکری دا لێ خويايه كو ئەو بەرێ ناڤخۆیی یێ کو دژایەتیا ریفراندومێ دکەت بیانوو و پاساوێن جودا جودا دروست دکەن ب رێکا پێک ئینانا کەمپینا و راگەھاندنێ چ تورێن جڤاکی یان سوشیال میدیایێن جودا دا کو ھەستا جەماوەرێ کوردستانێ رابکێشن ژبۆ سەرنەکەفتن یان ئیفلەنجکرنا پروسا گشتپرسیێ ل ھەرێمێ، ژ وان سنوردارکرنا پروسا ریفراندومێ د قەبارێ بەرژەوەندا پارتایەتیێ دا بێ کو ئاماژە ب وێ ئێکێ بکەن کو ئازادی و سەربخوبوون خاست و مافەکێ خوەزایی و رەوایە و نشتیمانی یە دبیت ل دەف ھەر تاکەکی ھەبیت لێ ھەردەم دەست پێشخەری ژ لایێ کەسەک یان گرۆپەک یان ئالیەکێ سیاسی ڤە دەردکەڤیت و ئەڤا ھەنێ گەلەک یا سروشتی یە، یان ژی ئالوزکرنا مێشکێ خەلکی ب گومان و ترسا بێ بنەما وەک تێکچوونا رەوشا سیاسی و قولتربوونا قەیرانا ئابووری ل ناڤخۆیا ھەرێمێ، بێ كو پێداچوونێ لسەر ئەگەر و ئالاڤێن دروست بوونا قەیرانێن ئابووری و سیاسی بکەن ژبەرکو دژایەتی کرنا ئازادیێ ھەر ئەو بخۆ بخو دروست کرنا کێشە و ئارێشێن ئابووری و سیاسیێن ناڤخۆیی و دەرەکی لدیڤ خۆ دئینیت و یان ھەلویستێن وولاتێن ھەرێمی یێن دەوروبەر کو دگەل وئ ئێکێ نە کوپێداچونەکا رێژەیی دپروسا گشت پرسیێ دابھێتە کرن ب بھانەیا کو دەم نەیێ گونجایە لێ گرنگە ژبیرنەکەین کو ب درێژاھیا مێژوویێ ڤان وولاتان دژایەتیا نەتەوا کورد کریە و چەندین جارا ھەول و شورشێن کوردی سەرکوپ کرینە و کورد پارچە پارچە کرینە و ەکی کێکێ ھەرپارچەک دیاری ئێک و دو کریە ئەڤە ژبلی راکرنا کارەساتێن مروڤی و جینوساید و ئەنفالکرن و کیمیاباران کرنێ و نوکە ژی ب ئایدلوژیا خۆ یا دوژمنکارانە دخازن ب رێکا ھاندنا چەند کەس و لایەنان ژینگەھا سیاسی ل ناڤخوویا ھەرێمێ ژەھراوی بکەن، یان ھەلویستێن وولاتێن زالھێزێن جیھانێ وەک ویلایەتێن ئێکگرتیێن ئەمریکا و ھەڤالبەندێن وان وەک جەمسەرەک خودان بھێزترین پێگەھ و خودانا نەخشەرێکا ئالوگورێن جیوپولتیک ل گورەپانا سیاسیا روژھەلاتا ناڤەراست و جەمسەرێ روسیا کو دا کوکیێ لسەر ئێک رێزیا ئاخا ئیراقێ دکەن وەک ھەلویستەکێ ناڤ دەولەتی یاراستی بیت لسەر دورھێلێ ھەر ئەوان وولاتان بخوە بشێوەکێ پراکتیکی ئاخ و سەروەریا ئیراقێ پارچە کریە ژبۆ مەرام و بەرژەوەندێن خوە، ب خاندنا من ئەگەر ئەم وەک نەتەوا کوردا ڤێ دەلیڤا زێرین بکار بینین و لسەر پێیێت خوە راوەستین و پروسا مە سەرکەفتیانە سه رگرت و پينگاڤێن دەولەتبوونێ ھاتنە ھاڤێتن باشتر ئەوە ھزر دقوناغا پشتی ریفراندومێ دابھێتە کرن و شلوڤا کاردانەڤێن ناڤ دەولەتی و ھەرێمێ بھێتە کرن ودبیت ئێکەم ھەڤال و پالپشت ويلایەتێن ئێکگرتی بن و ئیدی دانپیدانا ناڤدەولەتی ب دەست خوە ڤە بیبین و نمونە کا چەوا دەما کو گەلەک وولاتێن سەر ب  ئێکەتیا سوڤیەتا بەرێ ڤیاى خوەسەریا خۆ ژ سوڤیەتێ وەربگرن و دەرئەنجام دا ١٥ وولاتان سەربخویا خۆ وەرگرت ژوان کومارێن بلتيق ( ئيستونيا ، ليتوانيا ، لاتفيا ) و كومارێن سلاڤ ( روسيا، ئوكرانيا، روسيا سپى) و کومارێن تورک (كازاخستان، قيرغيزستان ، توركمه نستان، ئوزبەكستان ) و کومارقه وقاز (ئه رمينيا، جورجيا، ئه زه ربيجان) و تاجیکستان ومولدولفا (رومانیە) ل وی دەمی جورج بوش سەروکێ بەرێ یێ ویلایەتێن ئێکگرتیێن ئەمریکا ل سالا ( ١٩٩١ ) گۆت: مەحالە ئەمریکا سەرەدەریێ دگەل سوڤیەتەکا پارچەبوویی بکەت “لێ پشتی ٨ مەھا ژ گۆتارا خوە و پشتی ڤان وولاتان خوەسەریا خوە وەرگرتی و بونە وولاتێن ئازاد ھەمان سەروک د گوتارا خوە دا گۆت” ئەمریکا سەرەدەریێ دگەل سیاسەتاسەرەدەری کرن دگەل دەستودانێ ئامادە دکەت ( سياسه امرالواقع ).

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.