رۆژھەلاتێ کوردستانێ.. د حەفتییا بووری دا 20 بنپێکاری ھاتینە تۆمارکرن

رۆژھەلاتێ کوردستانێ.. د حەفتییا بووری دا 20 بنپێکاری ھاتینە تۆمارکرن

WAAR- دهوك:

ل گۆری داوی ئامار، د حەفتییا بووری دا 20 بنپێکارییێن مافێن مرۆڤی ل رۆژھەلاتێ کوردستانێ ھاتینە تۆمارکرن.
رێکخستنا ھەنگاو یا مافێن مرۆڤی یا رۆژھەلاتێ کوردستانێ دیار کر؛ د حەفتییا بووری دا 20 حالەتێن بنپێکرنا مافێن مرۆڤی ل سەرانسەری رۆژھەلاتێ کوردستانێ ھاتینە تۆمارکرن کو 6 ژ وان حالەتێن کوشتنا 2 کۆلبەران و بریندارکرنا چواران ب تەقەیا راستەراست یا ھێزێن رژێما ئیرانێ نە، ئێک حالەت یێ سێدارەدانێ یە، دوازدە ژی حالەتێن دەستەسەرکرن و سەپاندنا حوکمێن دادگەھێ نە ل سەر زیندانکرییان، ئێک ژی حەلەتەکێ ژیانژدەستدانا ژ بەر شاشییا پزیشکی یە.
ھەنگاوێ ھەروەسا ئاشکەرا کر؛ ئەو حالەتە ل پارێزگەھێن ئورمییە، سنە، کرمانشان و ئیلامێ ھاتینە تۆمارکرن.

بابه‌تێن ب ڤێ مژارێ ڤه‌ گرێدای