رۆژھەلاتێ کوردستانێ.. د حەفتییا بووری دا 30 بنپێکاری ھاتینە تۆمار کرن

رۆژھەلاتێ کوردستانێ.. د حەفتییا بووری دا 30 بنپێکاری ھاتینە تۆمار کرن

WAAR-دهۆك:

ل گۆری داوی ئامار، د حەفتییا بووری دا 30 بنپێکارییێن مافێن مرۆڤی ل رۆژھەلاتێ کوردستانێ ھاتینە تۆمارکرن.
رێکخستنا ھەنگاو یا مافێن مرۆڤی یا رۆژھەلاتێ کوردستانێ دیار کر؛ د حەفتییا بووری دا 30 حالەتێن بنپێکرنا مافێن مرۆڤی ل سەرانسەری رۆژھەلاتێ کوردستانێ ھاتینە تۆمارکرن کو 11 ژ وان حالەتێن کوشتن و بریندارکرنا کۆلبەران ب تەقەیا راستەراست یا ھێزێن رژێما ئیرانێ بوون، 13 حالەت یێن دەستەسەرکرن و سەپاندنا حوکمێن دادگەھێ بوون ل سەر زیندانکرییان، 2 حالەتێن سێدارەدانا زیندانییان، حالەتەک یێ ژیانژدەستدانا زیندانییەکی ژ بەر نەبوونا چاڤدێرییا نۆشداری و 3 حالەت یێن کوشتنا ژنان ژ ئالییێ کەسێن نێزیک و مالباتێن وان ڤە بوون.
ھەنگاوێ ھەروەسا ئاشکەرا کر؛ ئەو حالەتە ل پارێزگەھێن ئورمییە، سنە، کرمانشان و ئیلامێ یێن رۆژھەلاتێ کوردستانێ ھاتینە تۆمارکرن.

بابه‌تێن ب ڤێ مژارێ ڤه‌ گرێدای