رۆژا جلکێن کوردی ،دێ بیتە رۆژا بەختەوەریا مۆچە خۆران

رۆژا جلکێن کوردی ،دێ بیتە رۆژا بەختەوەریا مۆچە خۆران

غیاس خالد زێباری

هەشتێ ئادارێ رۆژا جیهانی یا ئافرەتێ یە و هەر سال لسەر ئاستێ جیهانێ چالاکیێن جۆراو جۆر دهێنە ئەنجامدا ، ژبلێ ڤێ هەلکەفتێ ل هەرێما کوردستانێ هەشتێ ئادارێ رۆژا جلکێن کوردی یە و هەر سالح دڤێ رۆژێ دا پرانیا خەلکێ کوردستانێ ب جلکێن کوردی چالاکیان ئەنجام ددەن و بڤێ هەستا نەوەوی یا تاکێ کورد بڤێ هەلکەفتێ و چالاکیێن وێ بلندتر دبیت ، نەخاسمە چینا لاوان . پشتی بڕینا مۆچە و بۆدجێ هەرێما کوردستانێ ژلایێ حکومەتا ناڤەندی ، شیانێن حکومەتا هەرێما کوردستانێ یێن دارایی کێم بۆن و ئەو داهاتێ سەربخۆ یێ نەفتا کوردستانێ بەهرا مۆچەی نەکر ، ژبلی ڤێ چەندێ خەرجیێن زەبەلاحێن شەرێ تیرۆرستێن داعش ژی هاتە سەر ، هەرچەندە هندەک ئالیێن سیاسی یێن هەرێما کوردستانێ پشتەڤانیا حکومەتا ناڤەندیا عیراقێ دکر ، بۆ بڕینا بچدجە و مۆچێ هەرێمێ . لێ نێچیرڤان بارزانی سەرۆکێ حکومەتا هەرێما کوردستانێ رادەستی ئیرادا پیلانێن ناڤخۆیی و هەرێمی و نەیاران نەبوو . ب پشتەڤانی و خۆراگری و بێن فرەهیا خەلکێ هەرێما کوردستانێ نەخاسمە مۆچە خۆران ، پرۆژێ حکومەتا هەرێما کوردستانێ ب سەرۆکاتیا نێچیرڤان بارزانی بۆ بکارئینانا سیستەمێ پاشکەفتنا مۆچەی سەرگرت و هەر ب سیاسەتا جەنابێ وی ، پشکەکا زۆرا قەیران و ئاستەنگێ سیاسی و ئابۆری و دبلۆماسی چارەسەربۆن . هەرچەندە لدەسپێکا قەیرانا ئابۆری سەرۆکێ حکومەتا هەرێما کوردستانێ پشتراست کر کۆ ئەڤە قەیرانەکا دەمەکی یە و مۆچێ مۆچەخۆرێن هەرێما کوردستانێ ناهێنە خارن و ئەوێن هاتینە بڕین دێ هەر زڤرن . بریارە رۆژا هەشتێ نیسانێ حکومەتا هەرێما کوردستانێ لسەر نەهێلانا پاشکەفتێ مۆچەی کۆم ببیت ، ئەنجامدانا ڤێ کۆمبۆنێ لسەر ڤی بابەتی ، نیشانێ بەرەڤ چارەسەریا قەیرانا ئازۆریا هەرێما کوردستانێ یە لسەر دەستێ نێچیرڤان بارزانی . دیسان باڵگەیە کۆ سەرۆکێ حکومەتێ دئەرکێ خودا یێ سیاسی و کارگێری و ئابۆری دا زۆرێ سەرکەفتی بۆیە و دشێن قەیرانان چارەسەر بکەن .پێشبینی دهێتە کردن دڤێ کۆمبوونێ دا نێچیرڤان بارزانی جارەکا دی گرنژینێ بێخیتەڤ سەر لێڤێن خلکێ کوردستانێ نەخاسمە فەرمانبەر و مۆچە خۆران ، هەر وەکی ب وان سەرکەفتنێ سیاسی ئۆمێد و کرنژین دناڤ خەلکێ نەتەوە پەروەر و وەڵات پارێز بەڵاڤ کری . بریارا نەهێلانا پاشکەفتێ مۆچەی مەزنترین سەرکەفتنە بۆ سەرۆکێ حکومەتا هەرێما کوردستانێ و مەزنترین شەرمزاری یە بۆ وان کەس و لایەنێن خەون ب هەلوەشاندنا ڤێ کابینێ ددیتن و هەول بۆ ددان . ئەڤ بریارە دەسکەفتەکێ هەرە مەزنە بۆ سەرۆکێ حکومەتێ ، چۆنکێ چارەسەرکرنا پرسا مۆچێ خەلکێ کوردستانێ نە تنێ چارەسەرکرنا ئاریشەکا دارایی و ئابۆری یە ، بەلکێ چارەسەرکرنا قەیرانەکا ئابۆری و سیاسی و جڤاکی یە . دێ بیتە ئەگەرێ چارەسەرکرنا چەندین ئاریشێن جڤاکی یێن خەلکێ هەڕێمێ . نەخاسمە خەلک ل پێشوازیا جەژنا نەورۆزا نەتەوی و هەلکەفتێن بۆهار و ئادارێ دایە ، بریارەکا بڤی رەنکێ خەملا نەورۆزێ و هەلکەفتێن دێتر دێ ب ڕەوشتر کەت . ئەڤ رۆژە دێ بیتەرۆژەکا دیرۆکی و رۆژا جلکێن کوردی و رۆژا جیانیا ئافرەتان ژی ب جۆش و خرۆشتر کەڤیت . ژئالیەکێ دیتر بریارەکا بڤی ڕەنگی هەستا نەتەوی و خۆڕاگریێ بەرامبەر قەیرانا دێ بهێزتر کەت و باوەریا خەلکێ ب حکومەتا هەرێما کوردستانێ دێ مۆکومتر بیت . دیسان چارەسەرکرنا ئاریشا مۆچەی ل هەرێما کوردستانێ . بەرسڤەکا تۆندە بۆ وان کەس و لایەنێن دڤان ساڵان دا ژبۆی مەرام و بەرژەوەندێن حزبی هەوڵ ددا ووڕە و باوەریا خەلکێ بڤێ حکومەتێ لاوان بکەن و ب حکومەتەکا لاواز و گەندەڵ نیشان بدەن و پاشکەڤت کرنا مۆچەی دکرە بەڵگە ، لێ ئەو هەمی قەیران و ئاسەنگێن هەرێمی و نافخۆیی یێن ب پیلانێن رێکخستی بۆ حکومەتا هەڕێما کوردستانێ هاتینە دوست کرن نە دئینانە پێش چاڤێن خۆ و خەلکێ هەرێما کوردستانێ . ئەرێ بڤێ بریارێ ئەو لایەن کەسێن ب بریارا بڕینا بۆچە و بۆدجێ هەرێمێ ژلایێ حکومەتا عیراقێ دلخۆش بۆین ، دێ چ بێژنەڤ خەلکێ کوردستانێ ..! فەرە حکومەتا هەرێما کوردستانێ ژی دڤ بریارێ دا بێن فرەهیا خەلکێ کوردستانێ ژبیر نەکەت و سۆپاسی لێ بهێتە کرن . چونکی ئەو خۆڕاگریا خەلکی دڤان سالان دا مەزنترین پشتەڤای بۆ بۆ حکومەتا هەڕێما کردستانێ . فەرە خەلکێ کوردستانێ ژی بریارا هەلوەشاندنا پاشکەفتێ مۆچێ فەرمانبەران ب بریارەکا مەزن و دیروکی هژمار بکەت . چۆنکی سەرکەفتن و خۆراگریەکا مەزنا خەلکێ کوردستانێ یە بسەر دوژمن و نەیارێن هەرێما کوردستانێ و هەلوەشاندنا پیلانێن وانە بۆ ژناڤبرنا قەوارێ هەڕێما کوردستانێ و دەسکەفتێن مە یێن نەتەوەی و نشتیمانی و بەرهەمێ خوینا سەدان هزار شەهید و ئەنفالکریا ، لسەر دەستێ نێچیرڤان بارزانی سەرۆکێ حکومەتا هەرێما کوردستانێ و سەرۆکێ داهاتیێ هەڕێمێ .

بابه‌تێن ب ڤێ مژارێ ڤه‌ گرێدای