رۆژئاڤایێ کوردستانێ.. ھێرشێن سوپا و میلیشیایێن تورکیا بەردەوامن

رۆژئاڤایێ کوردستانێ.. ھێرشێن سوپا و میلیشیایێن تورکیا بەردەوامن

WAAR-دهۆك:

ھێرشێن سوپا و میلیشیایێن تورکیا ل رۆژئاڤایێ کوردستانێ بەردەوامن، ھەسەدێ کوشتنا پتری سیھـ چەکداران د بیست و چار ساتێن بۆری دا راگەھاند.
ل گۆری ناڤەندا مەدیا ھەسەدێ، ئەڤرۆ سوپا و میلیشایێن تورکیا ل گوندەوارێن عەین عیسا و گرێ سپی ھێرشی چار گوندان کر کو نێزیکی رێییا نێڤدەولەتی نە.
دیار کر: ل وان گوندان شەروپەڤچوونێن دژوار د ناڤبەرا شەرڤان و چەکداران دا بەردەوامن و دیار کر: ل گوندێ مەسعوودییێ یێ سەر ب گرێ سپی ڤە شەرڤانان ھێرشا وان تێکشکاند ھەژمارەکا چەکداران کوشتن ترومبێلەکا وان یا سەربازی ژی ژناڤبرن.
ل گۆری ناڤەندا مەدیا ھەسەدێ، د بیست و چار ساتێن بۆری دا شەرڤانان پتری سیھـ چەکداران کوشتینە ھەروەھا پێنج ترۆمبێلێن وان یین سەربازی یێن سوپایی تورکیا ژی ناڤبرینە.

بابه‌تێن ب ڤێ مژارێ ڤه‌ گرێدای