رۆژئاڤایێ کوردستانێ.. چەکداران دەست ب رەڤاندنا خەلکی کریە

رۆژئاڤایێ کوردستانێ.. چەکداران دەست ب رەڤاندنا خەلکی کریە

WAAR-دهۆك:

نێرینگەھا سووری یا مافێن مرۆڤی راگەھاند؛ چەکدارێن گرێدایی سوپایێ تورکیا دەست ب رەڤاندنا خەلکی و دزینێ ل باکۆرێ رۆژھەلاتێ سووریێ کریە.
نێرینگەھا سووری یا مافێن مرۆڤی د راگەھاندنەکێ دا دیارکر: ئەو دەڤەرێن سوپایێ تورکیا و چەکدارێن سەر ب وێڤە ل باکۆرێ رۆژھەلاتێ سووریێ چووینە تێدا و داگیرکرین، ژمارەیەکا ئێکجار زێدە یا بنپێکارییان ھاتینە تۆمارکرن، کو چەکداران دەست ب رەڤاندنا وەلاتییان ژ ژن و زارۆک و دانعەمران کریە و ل گوندێ جاعیدە ل گرێ سپیێ ژنەکا دانعەمر ل گەل ھەڤژینێ وێ و زارۆکەکێ دیێ وی گوندی رەڤاندینە و ل ھەمبەر ئازادکرنا وان ژی داخوازا کۆژمەکێ مەزنێ پارەی دکەن.
خوەیاژی کر: ل گرێ سپیێ و زنجیرەیا سنۆری ل گوندەوارێن باکۆرێ رەقە ژی، چەکداران دەست ب دزینا مالێن وەلاتییان کریە، یێن ژ بەر ھێرشا تورکیا مال و حالێن خوە ب جھـ ھێلاین.

بابه‌تێن ب ڤێ مژارێ ڤه‌ گرێدای