رۆژئاڤایێ کوردستانێ.. شەر و پەڤچوون بەردەوامن

رۆژئاڤایێ کوردستانێ.. شەر و پەڤچوون بەردەوامن

WAAR-دهۆك:

د رۆژا نه‌هێ یاھێرشا تورکیا دا، شه‌ر و په‌ڤچوون ل پرانییا به‌ره‌یێن رۆژاڤایێ کوردستانێ به‌رده‌وامن و شه‌رڤانان ژ شڤێدی وه‌ره‌ ھه‌موو ھێرشێن سوپایێ تورکیا و میلیشیایێن ب سه‌ر ڤه‌ شکاندینه‌ و ‌زیانێن مه‌زن گه‌ھاندینێ.
سوپایێ تورکیا و میلیشیایێن ئۆپۆزسیۆنا سووری یا سه‌ر ب تورکیا ڤه‌ ل سه‌رێ کانییێ ژ چار به‌ره‌یان ڤه‌ ھێرشه‌کا گه‌له‌ک دژوار یا ھه‌ڤده‌می بۆمبه‌باران و تۆپبارانه‌کا بێ وێنه‌ یا فرۆکه‌ و تۆپخانه‌یان تورکیا، ده‌ست پێ کرییه‌ و هه‌موو وێستگه‌هێن ئاڤ و کاره‌بێ و سازییێن خزمه‌تگوزاری ژکار خستینه‌ و نه‌خوه‌شخانه‌یا باژاری ژی بۆمبه‌باران کرییه‌، لێ شه‌رڤانان ھه‌موو ھێرشێن به‌ر ب ناڤه‌ندا باژاری شکاندینه‌ و نه‌هێلا یه‌ سه‌رێ کانییێ بهێته‌ دۆرپێچکرن.
ل گۆره‌ی ئاگاھییان ژی ھه‌ژماره‌کا مه‌زن یا سه‌رباز و چه‌کداران ھاتیه‌ کوشتن.
ل گوندێ مه‌ناجیر یێ د ناڤبه‌را سه‌رێ کانی و تل ته‌مرێ دا و گوندێ عالیا یێ سه‌ر ب تل ته‌مرێ ڤه‌ ژی شه‌ر و په‌ڤچوونێن دژوار ل گه‌ل بۆمبه‌بارانا فرۆکه‌یان به‌رده‌وامن و شه‌رڤانان رێ ل ھه‌موو پێشڤه‌چوونێن چه‌کداران گرتییه‌.
ل گرێ سپی ژی شه‌رڤانان ھێرشه‌ک ل سه‌ر گوندێ که‌ندال شکاند و حه‌فت چه‌کدار کوشتن.

بابه‌تێن ب ڤێ مژارێ ڤه‌ گرێدای