رۆژئاڤایێ کوردستانێ.. سوپایێ رژێمێ چوو ناڤ کۆبانێ

رۆژئاڤایێ کوردستانێ.. سوپایێ رژێمێ چوو ناڤ کۆبانێ

WAAR-دهۆك:

سوپایێ رژێما سووریێ شڤێدی گەهشتە کۆبانێ و ژمارەکا کەسان ب گۆتنا درووشمێن پەسنا رژێمێ، پێشوازی لێ کر.
سوپایێ رژێما سووریێ شڤێدی گەهشتە کۆبانێ و ئاژانسا سانا یا فەرمی یا سووری راگەهاند، سوپا دێ کۆنترۆلا باژێڕی کەت و وەلاتیێن ئاکنجیێن کۆبانێ، ژ هێرشێن دوژمنان پارێزیت.
ئاکنجییەکێ کۆبانێ دیار کر، ل رۆژا چارشەمبێ هەر دگەل رۆژئاڤابوونێ ، سوپا هێدێ هێدی چوویە د ناڤا کۆبانێ دا و تا درەنگی شەڤ، کاروانێن سوپای دچوونە ناڤا وی باژێڕی و هندەک کەسان ب هەلگرتنا ئالایێن وێنەیێ رێبەرێ زیندانکری یێ پەکەکێ عەبدوللا ئۆجەلانی ل سەر و گۆتنا درووشمێن پشتەڤانییا رژێما سووریێ و بەشار ئەسەدی، پێشوازی ل سوپای دکر.
چوونا سوپایێ رژێما سووریێ بۆ ناڤا کۆبانێ، پلانا تورکیا یا گرتنا باکۆرێ سووریێ تا راددەیەکی بزەحمەت دئێخیت، ژبەر کو، سوپایێ رژێمێ دەڤەرێن باکۆرێ رۆژئاڤایێ سوویێ یێن ل بن کۆنترۆلا چەکدارێن سەر ب تورکیا ڤە و دەڤەرێن باکۆرێ رۆژهەلات یێن بزاڤێن گرتنا وان دکەت، ژێک جودا دکەت.

بابه‌تێن ب ڤێ مژارێ ڤه‌ گرێدای