رۆژئاڤایێ کوردستانێ.. رۆسیا و تورکیا نەھەمین گەرا چاڤدێرییێ دەستپێکر

رۆژئاڤایێ کوردستانێ.. رۆسیا و تورکیا نەھەمین گەرا چاڤدێرییێ دەستپێکر

WAAR-دهۆك:

سوپایێ تورکیا و پۆلیسێن سەربازی یێن رۆسی لسەر گەرێن خوە یێن ھەڤپشکێن چاڤدێرییێ ل رۆژئاڤایێ کوردستانێ بەردەوامن، ئەڤرۆ ژی نەهەمین گەر دەستپێکر.
ل گۆری ژێدەرێن نووچەیان یێن رۆژئاڤایێ کوردستانێ، ئەڤرۆ سوپایێ تورکیا و پۆلیسێن سەربازی یێن رۆسی نەھەمین گەرا خوە یا ھەڤپشکا چاڤدێرییێ ل گۆری رێککەفتنا دەھـ خالی یا سووچی، ل گوندەوارێن ناوچەدارییا دربێسییێ یا سەر ب حەسەکێ ڤە دەستپێکر.
ئاشکرا کر: گەرا چاڤدێرییێ یا ھێزێن رۆسی و تورکیا ل گوندێ عەرازی یێ کو ھەڤدە کیلۆمەتران دکەڤیتە رۆژئاڤایێ دربێسییێ دەستپێکر د ناڤ گوندێن عالییا و تورات دا بۆری و دیار کر نھا زریپۆشێن وان بەر ب گوندێ تربە ڤە دچن یێ دکەڤیتە رۆژئاڤایێ وێ ناوچەدارییێ.
دا زانین ژی: کو فرۆکەیێن ھێلیکۆپتەر ژی ل ھنداڤی ئاسمانێ وان گوندان چاڤدێریێ دکر، یێن کو گەرا ھەڤپشک لێ دھات کرن.

 

بابه‌تێن ب ڤێ مژارێ ڤه‌ گرێدای