رۆژئاڤایێ کوردستانێ.. رۆسیا و تورکیا حەفتەمین گەرا چاڤدێریێ کر

رۆژئاڤایێ کوردستانێ.. رۆسیا و تورکیا حەفتەمین گەرا چاڤدێریێ کر

WAAR-دهۆك:

سوپایێ تورکیا و پۆلیسێن سەربازی یێن رۆسی ئەڤرۆ حەفتەمین گەرا ھەڤپشکا چاڤدێرییێ، ل رۆژئاڤایێ کوردستانێ کر.
وەزارەتا بەرگرییا تورکیا د بەیانەکا نڤیسکی دا راگەھاند؛ ئەڤرۆ سوپایێ وان و پۆلیسێن سەربازی یێن رۆسی حەفتەمین گەرا خوە یا چاڤدێرییێ ل گۆری رێککەفتنا دەھـ خالی یا سووچی، د ناڤبەرا قامشلۆ و دێرکێ دا کر.
بەرگرییا تورکیا ئاشکرا کر: چار زریپۆشێن وان و چارێن رۆسی پشکداری حەفتەمین گەر بوون و فرۆکەیێن چاڤدێریێ ژی چاڤدێرییا وان دکر.
ژئالییێ خوە ڤە ژێدەرێن نووچەیان یێن رۆژئاڤایێ کوردستانێ دیار کر؛ ھێزێن تورکی و رۆسی ل ناوچەدارییا کرکی یاسەر ب قامشلۆ ڤە، گەرا خوە ب داوی ئینا و سوپایێ تورکیا ڤەگەریا دەڤەرێن سنۆری ل باکۆرێ کوردستانێ.

بابه‌تێن ب ڤێ مژارێ ڤه‌ گرێدای