رۆهنكرنه‌ك ژ وار

رۆهنكرنه‌ك ژ وار

WAAR-دهۆك:

بۆ خودانێ پێجێ رووپه‌ل Rupel
هه‌وه‌ ل May 20 at 12:44 AM ل پێجێ خوه‌ بابه‌ته‌ك ب ناڤێ (گه‌نده‌لیێ سه‌رێ وار تیڤی خار) به‌لاڤه‌كرییه‌، و بێ هیچ به‌لگه‌ هه‌وه‌ كۆمه‌كا توهمه‌تێن گه‌نده‌لى و تاوانان ب پێنج كه‌سێن ده‌زگه‌هیڤه‌ به‌ستینه‌.
مه‌ دڤێت هه‌وه‌ و خوانده‌وارێن رووپه‌لێ هه‌وه‌، ب ئه‌ڤان خالان ئاگه‌هدار بكه‌ین:
1 بۆ خودانێ رووپه‌لێ: توهمه‌تباركرنا هه‌ر كه‌سه‌كى بێبه‌لگه‌، تاوانه‌كا ئه‌خلاقى و جڤاكییه‌ به‌رى تاوانه‌كا مه‌دیایى و قانوونى بت.
زه‌حمه‌ت نه‌بت هوون ناڤێ خوه‌ و باب و باپیرێ خوه‌ دزانن، بۆ مه‌ و خوانده‌وارێن رووپه‌لێ ژى ئاشكرا بكه‌، دا راستگۆیى په‌یدا ببت و خوانده‌وارێن شێر و لایك كرین، بزانن ژ چ سه‌ره‌كانىیێ ئاڤ ڤه‌خوارینه‌.. نه‌خاسمه‌ مه‌ لبه‌ره‌ دادگه‌هـ ل ناڤبه‌را مه‌ و ته‌ بت، و دادگه‌هـ باشترین جهه‌ راستى و هه‌قى لێ ئاشكرا ببن و هه‌ر كه‌س بگه‌هته‌ مافێ ئه‌و هه‌ژى.
2 بۆ ئه‌وێن ئه‌ڤ پۆسته‌ شێركرین: شێركرن شریكاتییه‌ و ئه‌و شریكێن ئه‌م بێبه‌لگه‌ توهمه‌تباركرین، شریكێن رووپه‌لێنه‌. ل دادگه‌هێ دێ ئێك و دو بینین (مه‌ هه‌مى وێنه‌كرینه‌) و هه‌كه‌ر ئه‌م خودانێ رووپه‌لێ ناس نه‌كه‌ین یان خوه‌ نه‌ده‌ته‌ ناسین و ژ سزاى قورتال ببت، ئه‌م هه‌وه‌ دناسین و دادگه‌هـ دێ راستییێ و سزایێ تاوانباران دیار كه‌ت.
3 بۆ ئه‌وێن لایك كرین: خوشك و برایێن هێژا، تاكو كه‌نگى كه‌یفا مه‌ ب كرێتكرن و هه‌تكربرنێ بهێت؟ نه‌خاسمه‌ وه‌ختێ ئێك به‌لگه‌ ژى نه‌بت. به‌نكێ دیڤ همبانێ سیفه‌ته‌كێ خرابه‌، نه‌خاسمه‌ وه‌ختێ شكاندنا مرۆڤان تێدا هه‌بت.. ئه‌رێ هوون و خێزان و هه‌ڤالێن هه‌وه‌، چه‌ند دێ ئێشن هه‌كه‌ر كه‌سه‌ك بێبه‌لگه‌ توهمه‌ته‌كێ ب هه‌وه ‌ڤه‌نت و هنده‌ك كه‌س لایك بكه‌ن؟ پچه‌كا هه‌ستكرنێ ب كه‌سێن دى خراب نینه‌، نه‌خاسمه‌ وه‌ختی خودانێ پێجى ئارمانجه‌ك هه‌بت و هوون به‌س خودانێن كه‌ڤچكى بن.. نه‌زانن مالا داوه‌تێ ل كیڤه‌یه‌! نه‌ژى خودانێ داوه‌تێ كییه‌!
ل دوماهییێ، پێشوه‌خت ئه‌م ب بڕیارا دادگه‌هێ رازینه‌.. و مه‌ پێ باشه‌ هوون (خودانێ رووپه‌ل)ى خوه‌ بده‌نه‌ ناسین، ب كێماتى داكو ئه‌وێن پۆستێ هه‌وه‌ شێركرى، هه‌وه‌ بناسن.

کۆمپانیا پالۆ (وارتیڤی، رادیۆیا وار، وارمیدیا)

بابه‌تێن ب ڤێ مژارێ ڤه‌ گرێدای