رۆنالدۆی پاسووردێ براڤۆی ڤەکر

رۆنالدۆی پاسووردێ براڤۆی ڤەکر

Capture

وار – دهۆک :

باشترین یاریکەرێ ئۆرۆپا و جیهانێ یێ پۆرتۆگالی کریستیانۆ رۆنالدۆ چیرۆکا بێدەنگیا بەرگری کارێن یانەیا بەرشەلۆنا ئەوا بۆ ماوێ 755 خۆلەکان مایە پاقژ ژ دۆڕاندنان و تۆمارکرنا گۆلان بدووماهیک ئینا، پشتی ل هەمبەری وان یاری ئەنجام دای گەڕا نەهێ دا ژ چارچۆڤێ خۆلا ئسپانیا، وەکو یا دیار ئەڤە بۆ ماوێ هەشت حەفتیان بوو یانەیا بەرشەلۆنا یا بەردەوام بوو لسەر سەرکەڤتنان بێی کو هێچ گۆلەک لسەر بهێتە تۆمار کرن، لێ پشتی یاری ل هەمبەری هەڤڕکا خۆ یا سەرەکی د خۆلێ دا ئەنجام دای تۆشی ئێکەم دۆڕاندن بوو د خۆلا ئسپانیا دا هەروەسا ئێکەم جار بوو دڤی وەرزی تۆرا گۆلچیێ وێ کلاۆدیۆ براڤۆی هاتیە هەژاندن، دەمی دەست پێکرنا یاریێ ستێرا بەرشەلۆنا نەیمار شیا گۆلەکا بلەز تۆماربکەت د خۆلەکا 3یێ دا، پشتی بۆرینا 35 خۆلەکان ژ نیڤا ئێکێ یا یاریا کلاسیکۆیێ یاریکەرێ بەرازیلی مارسێلۆ شیا پەنەرتیەکێ بدەست خۆڤە بینیت ژ ئەگەرێ رەفتارا بەرگریکارێ یانەیا بەرشەلۆنا جیرارد پیکێ لدەمێ بدەستی تەپە راوەستاندی، پاشان ئەو بوو رۆنالدۆ شیا ب سەرکەڤتیانە جێ بەجێکرنا پەنەرتیێ ئەنجام بدەت و گۆلا وەک هەڤیێ بۆ یانەیا خۆ تۆمار کر، پشتی دەست پێکرنا نیڤا دووێ یاریکەران یێ پۆرتۆگالی پێپێ و یێ فرەنسی کەریم بنزیما دوو گۆلێن دی تۆمار کرن و کلاسیکۆ بداوی ئینا بسەر کەفتنا یانەیا شاهانە ب ئەنجامێ 1-3، د کلاسیکۆیا ئەڤ سالە دا چەندین بۆیەرێن نوو هاتنە ئەنجام دان ژوان ژی، ئێکەم یاری بوو هێرشبەرێ ئۆرۆگۆای لویس سوارێز ئەنجام دای پشتی دیرکەفتنەکا درێژ بۆ ماوێ چار مەهان ژ یاریان ژ ئەگەرێ سزایێ وی، هەروەسا ئێکەم کلاسیکۆ بوو بەرگریکارێ یانەیا ریال مەدرید کلیپەر پێپێ گۆلێ تێدا تۆمار بکەت، دیسان کلاسیکۆیەکا سەیر بوو لدەمێ هەر ژ دەست پێکێ هەرسێ ستێرێن بەرشەلۆنا مێسی، ئینیێستا و نەیمار کارتێن زەر وەرگرتین، یاریکەرێ کرواتی لۆکا مۆدرێچ ریکۆردەکێ مەزن تۆمار کر دڤێ کلاسیکۆیێ دا پشتی شیا دگەل هەڤالێن خۆ یێن هێلا ناڤین (تۆنی کرۆس و جێمس و ئیسکۆ) ئاستەکێ بلند پێش کێش بکەن و ئەو بتنێ شیا 41 پاسان بۆ هەڤالێن خۆ بهنێریت بێی کو پاسەکا بتنێ خەلەت بیت بڤێ چەندێ ژی شیا نمرەیا 100% سەرکەڤتیانە بدەست خۆڤە بینیت.

بابه‌تێن ب ڤێ مژارێ ڤه‌ گرێدای