رۆمانیا بۆ جارا ئێكێ ده‌ربازبوو پێش داوییا كۆپا ئێكه‌تییا تێنسێ

رۆمانیا بۆ جارا ئێكێ ده‌ربازبوو پێش داوییا كۆپا ئێكه‌تییا تێنسێ

WAAR-دهۆك:

بۆ جارا ئێکێ د دیرۆکا خوە دا ھەلبژارتیێ کچێن رۆمانیا دەربازبوو قۆناغا پێش داوییا کوپا ئێکەتییا تێنسێ. دەمێ ب سێ سەرکەڤتنان بەرامبەر دوو سەرکەڤتنان لسەر ھەلگرا ناسناڤی ھەلبژارتیێ چیکێ پێشکەڤتی. پێش نھا ھەردوو تیم ب دوو سەرکەڤتنان د وەکھەڤبوون و بەرەڤ یارییا جووت ڤە چوون بۆ ئێکلاکرنا دەربازبوونێ . د ئەنجامدا جووتێ رۆمانی یێ پێکھاتی ژ ئێرینا کامیلیا بیجۆ و مۆنیکا نیکۆلیسکۆ شییان ب دوو کۆمان بەرامبەر کۆمەکێ لسەر جووتێ چیکی یێ پێکھاتی ژ یاریکەران باربۆرا کریستیکۆڤا و کاترینا سینالکوڤایێ پێشکەڤن ب ئەنجامێ شەش حەفت و شەش چار و شەش چار و پلێتا پێش داویێ ببرن کۆ دێ رووبرروو ھەلبژارتیێ فرەنسا بن. ژلایەکێ دیڤە ھەلبژارتیێ ئوسترالیا گەھشتە ھەمان قۆناغ.. پشتی ب سێ سەرکەڤتنان بەرامبەر دوو سەرکەڤتنان لسەر ھەلبژارتیێ ئەمریکا پێشکەڤتی. د یارییا سێیێ و یا ئێکلاکەردا ھەلبژارتیێ ئۆسترالیا ب سەرکێشییا ستێرا خوە ئاشلی بارتیێ و ھەڤالا وێ بریسلا ھۆنێ شییا سەرکەڤتنێ لسەر جووتێ ئەمریکی یێ پێکھاتی ژ دانیێلا کۆلینز و نیکۆل میلیچارێ ب دوو کۆمان بێ بەرامبەر تۆماربکەت ب ئەنجامێ شەش چار و حەفت پێنج و بگەھنە قۆناغا پێش داویێ کۆ دێ رووبروو ھەلبژارتیێ بیلارۆسیا بیت.

بابه‌تێن ب ڤێ مژارێ ڤه‌ گرێدای