رۆسیا ھۆشداری ژ ئالۆزبوونا رەوشا ھورمز دان

رۆسیا ھۆشداری ژ ئالۆزبوونا رەوشا ھورمز دان

WAAR-دهۆك:

حکومەتا رۆسیا ھوشداری ژ زێدەتر ئالۆزبوونا رەوشێ ل تەنگئاڤا ھۆرمزی دان و راگەھاند؛ ئەو ب دوور نابینن ھەر روودانەک ل وێ دەڤەرێ رووبدەت.
سێرگی ریابکۆڤ، جێگرێ وەزیرێ دەرڤە یێ رۆسیا ئەڤرۆ پشتی بەلاڤبوونا نووچەیێ ئێخستنا فرۆکەیەکا چاڤدیریێ یا ئیرانێ ل تەنگئاڤا ھۆرمز ژ ئالییێ ئەمریکا ڤە ھوشداری ژ زێدەتر ئالۆزبوونا رەوشێ ل وێ تەنگئاڤێ دان و راگەھاند؛ ئەو ب دوور نابینن ھەر روودانەکا نەچاڤەرێکری ل وێ دەڤەرێ رووبدەت.
ریابکۆڤ دا زانین ژی؛ مۆسکۆ ژ نێزیک چاڤدێرییا روودانان دکە و ب ھووری ژی دووڤچوونێ بۆ وان نووچەیان دکەت و گرنگترین تشت ژی د نھا دا رێگریکرنە ژ دورستبوونا ھەر ئالۆزییەکێ.
ئەڤ ھەلوەستێ رۆسیا ل دەمەکی ھات، شڤێدی ئەمریکا ئێخستنا فرۆکەیەکا ئیرانی یا چاڤدێریێ ل تەنگئاڤا ھورمزی راگەھاندبوو لێ ئیرانێ رەتکر ئەو فرۆکەیا وان بیت و د نووترین داخویانی ژی دا عەباس عێراقچی جێگرێ وەزیرێ دەرڤە یێ ئیرانێ راگەھاندییە: کو دبیت ئەمریکا فرۆکەیا خوە ب خوە ئێخستبیت.

بابه‌تێن ب ڤێ مژارێ ڤه‌ گرێدای