رۆسیا ژ چالاکیێن تورکیا ل بەراڤێن قوبرسێ دلگرانە

رۆسیا ژ چالاکیێن تورکیا ل بەراڤێن قوبرسێ دلگرانە

WAAR-دهۆك:

وەزارەتا دەرڤە یا رۆسیا دلگرانییا خوە ژ چالاکیێن تورکیا بۆ لێگەریانا غازێ ل بەراڤێن قوبرسێ راگەھاند، داخواز ژی ژ ھەموو ئالییان کر چ گاڤان بەر ئالۆزییان نەھاڤێژن.
وەزارەتا دەرڤە یا رۆسیا ل دۆر چوونا کەشتییا تورکیا بۆ لێگەریانا غازێ ل بەراڤێن قوبرسێ راگەھاند؛ ئەو ژ نێزیک دووڤچوونا رەوشێ ل دەڤەرێ دکەن و گۆت: بنپێکرنا سەروەریا قوبرسێ یا ھاریکار نابیت بۆ دیتنا چارەیەکا دادپەروەر بۆ پرسا قوبرسێ.
وەزارەتا دەرڤە یا رۆسیا داخواز کر چ گاڤێن وەسا نەھێن ھاڤێتن کو ئالۆزی ل رۆژھەلاتێ دەریا ناڤەراست زێدەتر لێ بھێن، داخواز ژی کر زانین و سیاسەت بۆ چارەکرنا ئالۆزیان بھێن بکارئینان.
بەری دەمەکی حکومەتا تورکیا کەشتییەکا دی یا لێگەریانا غازێ ھنارتییە بەراڤێن قوبرسێ، قوبرس ژی وێ دەڤەرێ ب یا خوە دزانیت و ئێکەتییا ئەورۆپا پشتەڤانیێ لێ دکەت.

بابه‌تێن ب ڤێ مژارێ ڤه‌ گرێدای