رۆسیا ژ رەوشا ھورمزێ دلگرانە

رۆسیا ژ رەوشا ھورمزێ دلگرانە

WAAR-دهۆك:

مۆسکۆ ژ رەوشا ئاڤتەنگا ھورمزێ دلگرانە و پێشبینیێن تێکچوونا زێدەتر یا رەوشێ کرن.
سێرگی ریابکۆف، جێگرێ وەزیری دەرڤە یێ رۆسیا ئەڤرۆ د داخویانیەکێ دا گۆت: ژ بەر سزایێن ئەمریکا و سیاسەتا وێ یا دژمنکارانە ل ھەمبەر ئیرانێ، رەوشا دەڤەرێ و تایبەت یا ئاڤتەنگا ھورمزێ تێکچوویە، ھەروەھا دوپات کر کو گەر ھەموو ئالی خوە ئارام نه‌که‌ن، رەوش دێ بەر ب قوناغەکا ترسێ ڤە چیت.
ریابکۆڤی ل دۆر دەستبسەرداگرتنا کەشتیا ئیرانێ ژی ژ ئالیێ بریتانیا ڤە گۆت: ئەو بزاڤا لەندەنێ یا بترسە و دژی قانوونێن ناڤخوە یێن ئێکەتییا ئەورۆپا یە و ئاماژە کر کو لەندەن ب بریارێن ئەمریکا کار دکەت.
مۆسکۆیێ بەرھەڤییا خوە ژی ژ بۆ چارەکرنا رەوشا دەڤەری دیار کر، ھەڤدەم داخواز ژ ئیرانێ کر، چ گاڤێن وەھا نەھاڤێژیت کو رێککەفتنا ئەتۆمی بێخیتە بەر ترسا نەمانێ.

بابه‌تێن ب ڤێ مژارێ ڤه‌ گرێدای