رۆسیا: ژ بەر ئۆپەراسیۆنا تورکیا 12 زیندانێن داعشێ بێ زێرەڤانن

رۆسیا: ژ بەر ئۆپەراسیۆنا تورکیا 12 زیندانێن داعشێ بێ زێرەڤانن

WAAR-دهۆك:

وەزیرێ بەرگریا رۆسیا راگەھاند؛ ئۆپەراسیۆنا تورکیا ل باکۆرێ رۆژھەلاتێ سووریێ بوویە ئەگەر 12 زیندانێن داعشیان بێ زێرەڤان بمینن.
سێرگی شوێگۆ ئەڤرۆ سپێدێ د داخویانیەکێ دا راگەھاند؛ ژ دەرئەنجامێن ئۆپەراسیۆنا سەربازی یا سوپایێ تورکیا ل دەڤەرێن باکۆرێ رۆژھەلاتێ سووریێ، 8 کەمپێن پەنابەران و 12 زیندانێن تیرۆرستێن داعشێ نھا د بێ زێرەڤانن و ئەو یەک د بیت ببیتە ئەگەر کو ئەو تیرۆرستە ب رەڤن و بەرەڤ وەلاتێن خوە ڤە بچن.
ھەروەھا گۆت؛ پێدڤیە جڤاکا نێڤدەولەتی ب ھەڤرا رووبرووی دوبارە ڤەگەریانا تیرۆرێ ببن و رێکێ نەدەن دوبارە ئایدۆلۆجیا خوە بەلاڤ بکەن.
د درێژیا شەرێ داعشێ دا ل سووریێ، زێدەتر ژ یازدە ھزار تیرۆرستێن داعشێ ھاتبوونە گرتن و د بن کونترۆلا ھێزێن سووریا دیمۆکراتیک ھەسەدێ دابوون، لێ پشتی تورکیا ھێرشا خوە دەستپێکری، ھێزێن ھەسەدێ یێن زێرەڤانی ل وان زیندانان دکر بەرەڤ سنۆری ڤە چوون.

بابه‌تێن ب ڤێ مژارێ ڤه‌ گرێدای