رۆسیا بنگەھێن بەرەیا نوسرە ل ئدلبێ بۆمبەباران کرن

رۆسیا بنگەھێن بەرەیا نوسرە ل ئدلبێ بۆمبەباران کرن

WAAR-دهۆك:

فرۆکەیێن رۆسی، شڤێدی ھێرشی بەرەی نوسرە ل سووریێ کر و ھه‌ژمارەکا بنگەھـێن وان کرن ئارمانج.
ژێدەرەکێ سەربازی یێ رۆسی راگەھاند؛ فرۆکەیێن وان د چاردە ھێرشێن ئاسمانی دا، ھه‌ژمارەکا بنگەھـ و کوگەھێن چەکی یێن بەرەیا نوسرە ل گوندەوارێن ئدلبێ کرن ئارمانج و د وان ھێرشان دا، ھه‌ژمارەکا چەکدارێن بەرەیا نوسرە ھاتن کوشتن و بریندار کرن، ھەروەھا ھه‌ژمارەکا زێدە یا کوگەھێن چەکی ژی ژناڤ برن.
ھەروەھا دیار کر، وان ھێرشێن ئاسمانی بنگەھـ و ھه‌ژمارەکا ترومبێل و زریپۆشان ژی ل باژارێ ئەریحا ب تەمامی ژناڤ برینە.
وی ژێدەری ئاشکرا ژی کر کو بەرەیا نوسرە ب نیاز وان چه‌ك و زریپۆشان ڤەگوھێزن، وه‌ك به‌رهه‌ڤی بۆ هێرشا سه‌ر سوپایێ سووریێ.

بابه‌تێن ب ڤێ مژارێ ڤه‌ گرێدای