رۆسیا: بنپێکرنا سەروەرییا قوبرسێ مە دلگران دکەت

رۆسیا: بنپێکرنا سەروەرییا قوبرسێ مە دلگران دکەت

WAAR-دهۆك:

وەزارەتا دەرڤە یا رۆسیا دلگرانییا رۆسیا ژ رێکارێن تورکیا د دەریایا ناڤەراست دا و لێگەریانا وی ل پەترۆلێ د سنۆرێن ئاڤی یێن قوبرسێ دا دیار کر.
وەزارەتا دەرڤە یا رۆسیا د بەیانەکێ دا ل دۆر ئالۆزییێن د ناڤبەرا تورکیا و قوبرسێ دا ل دۆر مافێن لێگەریانا پەترۆلێ د رۆژھەلاتێ دەریایا ناڤەراست دا، راگەھاند: ئەو ب دلگرانی ھنارتنا دویەمین کەشتییا تورکی یا لێگەریانێ ل پەترۆلێ بۆ دەڤەرا ئابۆری یا قوبرسی دشۆپین، ژ بەر کو بنپێکرنا ماف و سەروەرییا قوبرسێ ژ ئالییێ تورکیا ڤە، ھاریکارییا ئافراندنا سەقایەکێ گونجایی بۆ دانوستاندنێن چارەکرنا پرسگرێکا قوبرسی ناکەت.
ھەروەسا گۆت: پێدڤییە ب زووترین دەم دانوستانێن نێڤدەولەتی ژ بۆ چارەکرنا پرسگرێکا گراڤا قوبرسێ و ل ژێر سیبەرا بریارێن نەتەوەیێن ئێکگرتی دەست پێ بکەن و رۆسیا وەک وەلاتیەکا ئەنداما بەردەوام یا جڤاتا ئاساییشێ ھەمی ھەولێن خوە بۆ وێ یەکێ بدەت کاری.

بابه‌تێن ب ڤێ مژارێ ڤه‌ گرێدای