رۆسیا.. ئەردۆگان و پۆتین کۆم بوون

رۆسیا.. ئەردۆگان و پۆتین کۆم بوون

WAAR-دهۆك:

ھەردو سەرۆکێن رۆسیا و تورکیا ل سۆچی یا رووسیا کۆم بوون و دوپاتی ل ھەماھەنگییا بەردەوام د بیاڤێن ئەمنی و سەربازی دا و باس ل مافێن کوردان ل سووریێ ژی کر.
فلادیمیر پۆتین سەرۆکێ رۆسیا ئەڤرۆ ل باژارێ سووچی پێشوازی ل رەجەب تەیب ئەردۆگان سەرۆکۆمارێ تورکیێ کر و پشتی کۆمبوونەکا پێنج ساتی د ناڤبەرا ھەردویان دا، کۆنگرەیەکێ ھەڤپشک یێ رۆژنامەڤانی گرێدا و پۆتینی دوپات کر کو کورد پشکەکا گرنگ یا سووریێ نە و رۆسیا دەستان ژ کوردان نابەردەت.
دیار ژی کر: کوردان دێ پشک د کۆمیتەیا دەستووریێ سووریێ دا ھەبیت و دا زانین ژی: نابیت رێ ب سەرھلدانا تیرۆرێ بھێت دان.
ژ ئالیێ خوە ڤە رەجەب تەیب ئەردۆگانی ئاشکەرا کر: دێ وەرگرتنا سیستەمێ ئێس چارسەد ل گۆر رێککەفتنێ ب رێڤەچیت.
ل دۆر رۆژئاڤایێ کوردستانێ و دەڤەرا ئارام ژی ئەردۆگانی دیارکر: رەوشا سووریێ مژارا سەرەکی یا کۆمبوونێ بوو و دێ ئاوارەیێن سووریێ ل وێ دەڤەرێ خوەجھکەن، یاکو ب ناڤێ دەڤەرا ئارام دھێتە چێکرن.
گۆت ژی: رۆسیا و تورکیا ل سەر رێگرییا جوداخوازیێ ل سووریێ ھەڤرا نە و دێ ل گەل رۆسیا کار ل سەر ڤەگەراندنا سەروەرییا سووریێ کەن.

بابه‌تێن ب ڤێ مژارێ ڤه‌ گرێدای