رۆسیا: ئه‌مریكا ره‌وشا كه‌نداڤێ بۆ خوه‌ بكار دئینیت

رۆسیا: ئه‌مریكا ره‌وشا كه‌نداڤێ بۆ خوه‌ بكار دئینیت

WAAR-دهۆك:

به‌رپرسه‌كێ رۆسی ئه‌ڤرۆ راگه‌هاند، ئه‌مریكا ئالۆزیێن كه‌نداڤا عه‌ره‌بی و ته‌نگه‌یا هۆرمز بۆ بهێزكرنا هه‌بوونا خوه‌ یا سه‌ربازی ل ده‌ڤه‌رێ بكار دئینیت.
كۆنستانتین كۆساچێڤ، سه‌رۆكێ لژنه‌یا كارێن نێڤده‌وله‌تی ل په‌رله‌مانێ رۆسیا گۆت: پێشهاتێن كه‌نداڤا عه‌ره‌بی و ته‌نگه‌یا هۆرمز به‌هانه‌نه‌ بۆ ئه‌مریكا كو هه‌بوونا خوه‌ یا سه‌ربازی ل ده‌ڤه‌رێ بهێز بكه‌ت و ره‌وشێ بۆ خوه‌ بكاربینیت.
كۆساچێڤی ئاشكرا كر كو هه‌ر ب رێیا هه‌مان به‌هانه‌ وه‌زاره‌تا به‌رگرییا ئه‌مریكا بریار دایه‌ هنارتنا سه‌ربازان بۆ سعوودیێ په‌سه‌ند كرییه‌، هه‌روه‌ها راگه‌هاندییه‌ ژی دێ ئۆپه‌راسیۆنێن خوه‌ یێن پاراستنا كه‌شتییان ل رۆژهه‌لاتا ناڤین و كه‌نداڤێ پێشئێخیت.
هه‌روه‌ها خویا كر ژی، راگه‌هاندنا وان گاڤان د ده‌مه‌كێ بله‌ز دا دیار دكه‌ت كو ئه‌مریكا ل ئه‌گه‌رێ ب وی ره‌نگی دگه‌ریا.

بابه‌تێن ب ڤێ مژارێ ڤه‌ گرێدای