رۆسنه‌فت كێمبوونا ئاستا قه‌رێن خوه‌ ل سه‌ر هه‌رێمێ راگه‌هاند

رۆسنه‌فت كێمبوونا ئاستا قه‌رێن خوه‌ ل سه‌ر هه‌رێمێ راگه‌هاند

WAAR-دهۆك:

كۆمپانییا رۆسنه‌فت یا رۆسی رادگه‌هینیت؛ قه‌رێن وان ل سه‌ر حكومه‌تا هه‌رێما كوردستانێ ب رێژه‌یه‌كا هه‌ری مه‌زن كێم بووینه‌.
كۆمپانییا رۆسنه‌فت كو رێككه‌فتن دگه‌ل هه‌رێما كوردستانێ هه‌یه‌، د به‌یانه‌كێ دا راگه‌هاند؛ ئاستا قه‌رێن وان ل سه‌ر هه‌رێما كوردستانێ ژ قه‌باره‌یێ 3 ملیار دۆلاران، بۆ ملیاره‌ك و 400 ملیۆن دۆلاران كێم بوویه‌.
دیار ژی كرییه‌، تا مه‌ها كانوونا ئێكێ یا سالا بۆری، وان 3 ملیار دۆلار قه‌ر ل ده‌ڤ هه‌رێمێ بوون، لێ ئه‌و قه‌ره‌ بۆ ملیاره‌ك و 400 ملیۆنان كێم بوویه‌.
كۆمپانییا رۆسنه‌فت د به‌یانا خوه‌ دا ئاماژه‌ ب بلندبوونا ئاستا قازانجا خوه‌ ژی د چارێكا ئێكێ یا ئه‌ڤساله‌ دا كرییه‌ و دیاركرییه‌، هه‌ڤسه‌نگییا بازارێ دراڤی و زێده‌بوونا به‌رهه‌مێ كێلگه‌هێن وان ئه‌گه‌رێن وێ بلندبوونێ نه‌.
ل ده‌ستپێكا سالا 2017ێ، حكومه‌تا هه‌رێما كوردستانێ و كۆمپانییا رۆسنه‌فت یا رۆسى رێككه‌فتنه‌ك بۆ وه‌به‌رهێنانێ د 5 په‌ترۆلگه‌هێن هه‌رێمێ دا ئیمزاكر و ل چارێكا دویێ یا هه‌مان سالێ، رۆسنه‌فتێ 3 ملیار دۆلار ب قه‌ر دانه‌ حكومه‌تا هه‌رێمێ و رێككه‌فتن كه‌فته‌ د وارێ بجهئینانێ دا.

بابه‌تێن ب ڤێ مژارێ ڤه‌ گرێدای