رۆحانی پێشنیازا راپرسییه‌كێ لدۆر رێككه‌فتنا ئه‌تۆمی دكه‌ت

رۆحانی پێشنیازا راپرسییه‌كێ لدۆر رێككه‌فتنا ئه‌تۆمی دكه‌ت

WAAR-دهۆك:

سه‌رۆكێ كۆمارا ئیسلامییا ئیرانێ ئه‌ڤرۆ پێشنیازا راپرسییه‌كێ لدۆر به‌رنامێ ئه‌تۆمیێ ئیرانێ و چاره‌نڤیسێ رێككه‌فتنا ئه‌تۆمی كر.
ل گۆری ئاژانسا فارس نیۆز، حه‌سه‌ن رۆحانی ئه‌ڤرۆ داخواز كر راپرسییه‌كا سه‌رتاسه‌ری ل ئیرانێ ل دۆر به‌رنامه‌یێ ئه‌تۆمیێ وه‌لاتی و چاره‌نڤیسێ رێككه‌فتنا ئه‌تۆمی بهێت كرن.
دیار ژی كر، ده‌ستوورێ ئیرانێ د مادده‌یێن پێنجی و نه‌هێ دا رێ دایه‌ راپرسی ل سه‌ر به‌رنامێ ئه‌تۆمی بهێت كرن.
دەربارەی گەفێن ئەمریکا، رۆحانی خۆیا کر، ئایەتوللا عەلی خامنەیی، رابەرێ کۆمارا ئیسلامی ئەو راسپاردییە کو سەرکرداتییا شەڕێ ئابۆری یێ دگەل ئەمریکا بکەت و دوپات کر، ئیران خوە بۆ ئەمریکا ناچەمینیت.
كۆمارا ئیسلامییا ئیرانێ ل حه‌فتییا بۆری و د به‌رسڤا سزایێن ئه‌مریكا دا ده‌ستبه‌ردارییا خوه‌ ژ هنده‌ك به‌ندێن رێككه‌فتنا ئه‌تۆمی راگه‌هاند و دیاركر، كۆمارا ئیسلامی دێ ده‌ست ب پیتاندنا یۆرانیۆمێ كه‌ت.

بابه‌تێن ب ڤێ مژارێ ڤه‌ گرێدای