رۆبۆتەک خوە پێشدئێخیت

رۆبۆتەک خوە پێشدئێخیت

وار – دهوك

هەژمارەکا ئەندازیاران هندەک جۆرێن ئامیرێن رۆبۆتان پێشخستینە کو وان شیانێن پێشخستن و راستڤەکرنا کارێ خوە هەبیت.
ئامیرێ ناڤهاتی پێکهاتیە ژ دەستەکی کو “زارۆکێن” رۆبۆتان دروستدکەت، دیسا دشێت شیانێن ڤان زارۆکان راستڤەکەت بۆ لڤینێ، بێی دەستکاریا مرۆڤان.
ئارمانجا داویێ ژ پرۆژەی بەرهەمئینانا ئامیرەکێ رۆبۆتی یە کو بشێت خوە دگەل ژینگەها دەردوورا خوە بگونجیت.
ڤەکۆلینا تیمەکا ڤەکۆلەران ژ کامبرێدج و زیوریخ ئەنجامدایی، د ناڤا کۆڤارا PLOS One دا هاتیە بەلاڤکرن.
ئەڤ چەندە مینا فلمێن ئاشۆپا زانستی نە: هندەک ئامیرێن رۆبۆتان هندەک رۆبۆتێن دن دروستدکەن- هەر یەک ژ وان ژ بەرەبابکا بەری خوە باشترە، ئەڤەیە ئەو ڤەکۆلینا ڤەکۆلەرێن ژ کامبرێدج و زیوریخ پێ رابووین.
لەوما ژی نەدرەوە ئەگەر ئەو کەسێن ژ کۆنترۆلکرنا جیهانێ ژ بال رۆبۆتان ڤە بترسن و ترسا خوە دیاربکەن.
ئامیرێن رۆبۆتان یێن “زارۆک” ژ خشتەکان “Cubes” یێن پلاستیکی پێکدهێن، دناڤان ئامیرەکی دا. ئامیرێ رۆبۆتێ “دایک” رادبیت ب دروستکرنا ئامیرێن بچووک و پێکڤەگرێدانا وان ب شێوەیێن ژێک جودا.
هەرچەندە پێکاهتە د سادەنە لێ سیستەمێ ڤی رۆبۆتی گەلەکێ ژیرە.
رۆبۆتا “دایک” رادبیت ب هەلسەنگاندنا شیانێن لڤینێ ل جەم “زارۆکێ” خوە، ئو بێی چ دەستکاریێن مرۆڤان، دشێت دیزاینێ باشتر لێبکەت کو هەر جارەکێ هەر رۆبۆتەکێ نوو یێ دروستدکەت ژ رۆبۆتێ بەری خوە باشتر بیت و بۆ دەمێن درێژتر لڤینێ بکەت.
ئامیرێ رۆبۆتا “دایک” رابوویە ب دروستکرنا دەهـ رڤشتێن “زارۆکان”. دیسا دوماهیک ئامیرێ هاتیە دروستکرن شیایە دوجاری وێ دووراتیا یەکەمین رۆبۆت ببڕیت.
دۆکتۆر فۆمیان ژ زانکۆیا کامبرێدج، کو هەڤکاری دگەل هەڤالێن خوە ژ زانکۆیا زیۆریخ کریە و ئەڤ ڤەکۆلینە برێڤەبریە، دبێژیت: یەک ژ ئارمانجێن ڤێ ڤەکۆلینێ زانینا چاوانیا پێشکەڤتنا بوونەوەرێن زیندی یە.
فۆمیان دبێژیت ژی “یەک ژ گرنگترین پرسیاران د زانستێ بایۆلۆجی دا پێشکەڤتنا ژیریاتیێ یە. ئەم ژی ئامیرێن رۆبۆتان بکاردئینین بۆ ئاشکەراکرنا ڤی کارێ مژدار”.

گۆت ژی “ئەم د وێ باوەرێ داینە کو ئامیرێن رۆبۆتی ب کارێن دوبارکری رادبن، ل بەری هەرتشتی ئەو هاتینە دروستکرن داکو ب کریارا بەرهەمئینانێ راببن ب شێوەیەکێ بەرفرەهـ، لێ مە دڤێن ئەم هندەک ئامیرێن رۆبۆتی ببینین بشێن داهێنانێ بکەن”.
ئەندریێ رۆسۆندۆ، یەکە ژ ئەندامێن ڤی پرۆژەی، دبێژیت: یەک ژ ئارمانجێن دن یێن ڤی پرۆژیە دروستکرنا ئامیرەکێ رۆبۆتی یە بشێت خوە دگەل بوویەرێن جودا جودا بگۆنجینیت.
رۆسۆندۆ دبێژیت: “هزر د رۆبۆتەکی دا بکە کو رادبیت ب دروستکرنا تروبمێلان د یەک ژ کارخانەیان ڤە و دشێت خوە ژ کێماسیان دووربکەت یێن د ترۆمبێلێ دا پەیدا دبن ئو ڤان کێماسیان چاک دکەت. دیسا د وارێ چاندنێ دا رۆبۆتەک دشێت رێکێن جودا بکاربینیت بۆ بەرهەمی، دا بزانیت کا شیان هەنە بەرهەمی راستڤەکەت”.

ژ: BBC

بابه‌تێن ب ڤێ مژارێ ڤه‌ گرێدای