رۆبۆتەکێ چینییێ پێشکەڤتی وەکی مرۆڤی

رۆبۆتەکێ چینییێ پێشکەڤتی وەکی مرۆڤی

وار – دهۆک :

پێشکەڤتنا رۆبۆتان پلەیەکا گەلەک بلند یا بدەستخوەڤە ئینای ل جیهانێ و یێن کەڤتینە دکاری دا ل جهێ مرۆڤان دگەلەک بیاڤان دا، دیزاینکەرێن وان هەر دبەردەوامن دڤی کاری دا، زانا نوکە گەلەک دترسن ژ پێشکەڤتنا وان کو مەترسیا خوە یاهەی لسەر مرۆڤی، ژبەرکو ئەگەر ل هەموو بیاڤان شوونا مرۆڤی گرت وکار ب وان هاتەکرن ئەڤە خەلک ما بێ کار و بتایبەتی زانا پێشبینی دکەن کو دێ بکارێن لەشکەری رابن وجەنگێن داهاتی دێ رۆبۆتێن شەری پێ رابن و ئەڤە ژی دێ بیتە کارەساتەک لسەر مرۆڤان و مرۆڤ دێ لاواز بیت بەرامبەری رۆبۆتێن بدەستێ خوە چێکری، نوکە ژی ئەندازیارێن چینی رۆبۆتەکێ نوو لسەر شێوەیێ کچان نمایش کر، دکاریت زارڤەکرنا مرۆڤی بکەت و چالاکیێن وی ب پلەیەکا گەلەک بلند ئەنجام بدەت هەر وەکی مرۆڤی، ئەڤە ژی دکۆنگرەیەکێ جیهانی یێ تایبەتمەند ب ئامیرێن هەلگرێن ئینتەرنێتی ئەوێ ل پایتەختا چینێ بێجینگ هاتیە نمایشکرن.
ئەڤ رۆبۆتێ بکارێن مرۆڤی رادبیت ژی، هاتە بناڤکرن ب ‘’یانگ یانگ’’ وێنەیێ وی ژی وەکی وێنەیێ کچەکا ئەندازیارە ژ تیما کار لسەر دروستکرنا وی کری، ئەڤ رۆبۆتێ ناڤبری ژی دکاریت بکەنیت و چاڤێن خوە بنقینیت و بچیتە دەستێ خەلکی و مرۆڤی بکەتە د کۆشا خوە دا.
هەژی گۆتنێ یە بێژین دبەرێ دا ژی هندەک رۆبۆتێن لسەر رەنگێ ژنان هاتبوونە دروستکرن و زارڤەکرنا مرۆڤان دکر و بکارێن وان رادبوون لێ بشێوەیەکێ سنوور دار و گەلەک جودا ژ رۆبۆتێن ‘’یانگ یانگ’’.
بۆچوونێن ئامادەبوویێن کۆنگرەیێ زانستی یێ ناڤبری لسەر رۆبۆتێ ‘’یانگ یانگ’’ ئەوان گۆت براستی ئەڤ رۆبۆتە تشتەکێ گەلەک جوانە وەک لۆلۆیەکێ یان دورەکێ یە و هەموو کەس ژ وان تایبەتمەندان ژی گەلەک ژ کارێ وی درازی بوون بزارڤەکرنا کچان و چالاکی وهەستێن وی کو گەلەک وەکی یێن مرۆڤی نە.
بۆ کۆنترۆلکرنێ ژی لسەر رۆبۆتێ ناڤبری ژ دوور کۆنترۆلی لسەر دکەن، لەشێ وی ژی یێ ژ کەرەستەیەکێ تایبەت دروستکری وەکی پیستێ مرۆڤی یە دەمێ دەستێ خوە دکەنێ.
دیزاینکەرێن رۆبۆتێ ناڤبری ژی ئاماژە بوێ یەکێ دا کو ئەڤ نموونەیێ رۆبۆتان ئێکەمین رۆبۆتێ-مرۆڤە ل چینێ بهێتە نمایشکرن، یێ پێشکەفتی بڤی رادەی و شیانێن گەلەک مەزن و وەکی یێن مرۆڤی هەی، ژ وان ژی 43 پلەیێن لڤینێ کو هەموو لەشێ وی ڤەدگرن و بتایبەتی ژی زەبلەکێن سەرۆچاڤان کو وەکی لڤینێن سەرۆچاڤێن مرۆڤی لێ دهێن دەمێ بهەمان کار رادبیت.
ئەندامێن تیما کاری یێن رۆبۆتێ ناڤبری ژی گۆت ئەڤ رۆبۆتێ ناڤبری دپاشەرۆژێدا دێ هێتە بکارئینان بۆ کارێن بازاری یان ل شوونا ستێرێن سینەمایێ ل جهێ وێنەگرتنێ.
http://arabic.rt.com/news/783079

بابه‌تێن ب ڤێ مژارێ ڤه‌ گرێدای