روژێن نە ئارامیێ دەربازبوون

روژێن نە ئارامیێ دەربازبوون

کاروان سالح

 

دەمێ هەرێما کوردستانێ بەرەف ئاراستەکا نەدیارڤە چوی و سنور لێ هاتینە دورپێچکرن ، جەنابێ نێچیرڤان بارزانی ب رێکارێن خوە یێن دبلوماسی چارە بو ڤان دورپێچ و دوژمنکاراییان دیتن و رێ ل هەمبەر هەرێمێ هاتنە ڤەکرن و سنورێن قەیرانان شکاندن ئەوژی ل سالا بوری دەمێ سەرەدانا کوچکا ئیلیزێ ل فەڕەنسا کری و ژلایێ سەروکێ فەڕەنسا ڤە مێڤانداری لێ هاتیە کرن و ل پردێ و سحێلا پێشمەرگێ کوردستانێ دوژمن پاشڤەبرین و پێکولێن جەنابێ نێچیرڤان بارزانی یێن بەردەوام بون داکو بدوماهی بینیت قەیرانا ئابوری و هێرشا چەکداری یا لەشکەرێ تائیفە گەری لسەر هەرێمێ ، ب هەبونا کەساتیەکا بهێز یا خودان کاریزما ئەف چەندە ب کێم زیان بداوی هات و کرە خالا ئارامیێ و پێشڤەچونا هەرێمێ ل وی دەمی و تا نهو هەرێم روژ بۆ روژ یا بەرەف باشتر و باشتر دچیت و هەستا نەتەوایەتی لناف وەلاتیان یا بەرزبوی و باوەری بخوە بون زێدەبو ژبەرکو ترس و دلڕاوکێ نەما ب هەبونا جەنابێ نێچیرڤان بارزانی ، ئەو بومە بو ئەندازیارێ خوشگوزەرانی و ئاڤاکرنێ رێیێن تاری یێن لبەر سینگێ مە رونکرن و بو ئەگەر نهو هەرێم یا ڤەگەریایە لسەر ئاستێ خوە یێ جاران .

 

دوژمنێن مە یێن کەتینە نەخوشیێ ژ ئەگەرێ وێ زولم و زوردارییا ئەو ل دەڤەرێ دکەن ئەو ئاگرێ وان لناف چەندین وەلاتان هەلکری دێ لناف وان سەرهلدەت و نەشێن خوە بپارێزن دێ ئەو دەردێ وان بو مروڤایەتیێ چێکری بیتە ڤایروسێ ژناڤبرنا وان  .

 

خائینێن ١٦ ئوکتوبەرێ خەونا وان ژناف چو و ئەو هزرا وان دکر بۆ وان بو دەردەک و دیروکا وان رەشبو و وەکی یا خویا پێش وەخت ژی هەر یا رەشبو لێ نهو دڤی سەردەمی دا وان دووبارە رەشکرەڤە ، ب هەبونا کەسانێن خائین مە گەلەک زیان دا و ب هەبونا سەرکردێن خودان شیان و کاریزما یێن وەک جەنابێ سەروک مەسعود بارزانی و جەنابێ نێچیرڤان بارزانی ئەم شیاین دوبارە قەوارێ خوە یێ هەرێمی بپارێزین و رێ لهەمبەر نەحەزان بگرین .

 

هەرێما کوردستانێ ئاوارێن عیراقی پاراستن ژ داعشان عێراقیان بەرێ چەکێن خوە ب هەڤکاریا خائینان دا هەرێمێ و کەرکووک داگیرکر ئەوان سالێن سەخت و دژوار کوردستان بۆ وان ببو پەناگەهەک بۆ ھزاران بنەماڵێن سەرکردێن عیراقێ و دهاتنە پاراستن لێ پشتی رێیا خوە دیتی بۆ وان بۆ دەلیڤە هێرشێ بکەنە سەر کوردستانێ .

 

دیسان لایەنێن سیاسی یێن عیراقی پێتڤی ب هەرێما کوردستانێ بون بو بهێزکرنا کابینا خوە یا نی و کوردستانیان باوەری پێئینا و دێ چاڤێ مە ل دەمی بیت کانێ دێ بەرەف چ چیت ئەو باوەری دبیت یا مە بڤێت کو جێبەجێکرنا وان ماددەیێن دەستوریە کو جێبەجێبکەن لێ ل داویێ یا خویایە یا دەمکی یە و دێ حکومەتا عیراقێ دەم بوریت و هێتە گهورین و دیسان سەرەدەریەکا نەدیار دێ هێتە پێش ، چارە بتنێ سەرخوەبونە و دێ لهیڤیا وێ روژێ بین بهێت چ لسەردەمێ مە یان یێ زارویێن مە دێ هەر هێت ئەو روژە .

 

کوردستانی پێتڤی ب بارزانی و پارتینە داکو مافێن وان دپاراستیبن چنکو بومە دیاربو هەردەمێ باس ل کوردستانەکا سەربەخۆە دهێتە کرن پارتی و بارزانی دهێنە بیرامە ئانکو هەر ئەون یێن وەفادار و نەگور د هزرا نەتەوایەتی دا و بەرێز نێچیرڤان بارزانی ئەڤ چەندە یا دوپاتکری د دەمێ بوریدا و سەنگا هەرێمێ یا پاراستی لسەڕ ئاستێ جیهانێ و دەڤەرێ .

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.