رولێ جڤاکی و کومەلگەھێ د ئاڤاکرنا دەولەتەکا مەدەنی، دیموکراسی، کوردستانی دا

راگر بابیری
مـــە وەک جڤاک و کومەلگەھ چ بەرھەڤی کرینە بۆ ئاڤاکرنا دەولەتە کا مەدەنی یا دیموکراسی یا مودرێن؟ یا گرنگە ئەم وەک کومەلگەھ ب ھەماھەنگی دگەل حکومەتێ دەست ب بنیاتنانێن بنەمایێن دیموکراسی، رەوشەنبیری، پەروەردەیی دناڤ جڤاکی دابکەین دیسان دەست ب ئاڤاکرنا بنەمایێن دەولەتەکا مەدەنی یا نشتیمانی ب کەین، یا گرنگە ئەم ژ قالبێ (فیودالیزمێ، دەرە بەگایەتیێ)عەشیرەتگەریێ و ناوچەگەریێ ب دەرکەڤین، یا گرنگە ئەم جڤاکێ خو ژ (راسیزمێ، رەگەز پەرستی )یێ قورتال کەین یا گرنگە ئەم وەک کومەلگەھ بێی بەرژەوەندیێن تاکە کەسی، (ماتەریالیزم) کار ژبو ئاڤا کرنا ڤی جڤاکی و کومەلگەھێ بکەین و پراکتیزە بکەین. ئەگەر مە  بڤێت دەولەتەکا دامەزراوەی یا مودرێن ئاڤا بکەین دڤێت ئەم پتر کار لسەر پاراستنا کەلتورێ خو یێ رەسەن بکەین و وان دیاردێن نە کەلتورێ کوردستانی ژناڤ کولتورێ خو یێ زەنگین لاب دەین ئەڤرو ئەم د بینین مە کەلتورێ عەرەبی دناڤ کەلتورێ خو یێ کوردەواری ھەلکریە و کەلتورێ کوردەواری یێ رەسەن ل ژێر ھەرەشە یەکا بەرچاڤە گەلەک یا گرنگە ئەم کەلتورێ خو وەک ناسناما خو یا نەتەوەی وەک ئالایێ خو یێ نشتیمانی ب پارێزین و ب رێکا کەلتورێ خو وێ دەولەتا ئەم بوو دجەنگین نیشا جیھانێ ب دەین کەلتور ئێک ژ بنەما یێن سەرەکی یێێن ھەر مللەتەکی و نەتەوەیەکی و دەولەتێ نە، یا گرنگە ئەم کار لسەر پتر پێشڤەبرنا کەلتورێ خو بکەین. دیسان ژ لایێ زمانی ڤە مە کومەکا ئاریشان ھەنە و ھەتا نوکە مە زمانەکێ ستاندارد یێ کوردستانی نینە. مە پێنج زاراڤێن سەرەکی یێن کوردستانی ھەنە ئەگەر مە ب ڤێت ژ لایێ زمانی ڤە خو زەنگین کەین دڤێت دویر ژ ناوچەگەریێ ئەم لێکولینێن زانستی یێن زمانی لسەر ڤان زاراڤێن سەرەکی بکەین و ئەو زاراڤێ پتر زەنگین د رێزمانێ دا بکە ینە زمانەکێ ستاندارد چونکە زمان ژی ئێک ژ وان بنەما و مەرجێن سەرەکی یێن دەولە تێ یە. ئەگەر مە وەک جڤاک ب ھەماھەنگی دگەل دامەزراوەیێن حکومی کار لسەر ڤان کاران کر بی گومان دێ شێیین دەولەتەکا مەدەنی و دیموکراسی یا کوردستانی ئاڤاکەین و دێ شیێین جھێ پێگھەکێ باش دناڤ کومەلگەھا ناڤ دەولەتی و جیھانا ژ دەرڤە دە ین.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.