روحانی دێ وه‌زیرێ په‌ترۆلێ ژ كار لاده‌ت

روحانی دێ وه‌زیرێ په‌ترۆلێ ژ كار لاده‌ت

WAAR-دهۆك:

ژ به‌ر شكه‌ستنا وی د جێبجێكرنا ئه‌ركێن خوه‌ دا سه‌رۆكۆمارێ ئیرانێ ل به‌ره‌ وه‌زیرێ په‌ترۆلێ ژ كار لابده‌ت.
ئاژانسا فارس نیۆز ژ زارێ ئه‌بو فه‌زل تورابی په‌رله‌مانتارێ ئیرانێ به‌لاڤكر: د كۆمبوونا داویێ یا جڤاتا وه‌زیرێن ئیرانێ دا، شه‌ره‌ ده‌ڤ د ناڤبه‌را حه‌سه‌ن روحانی سه‌رۆكۆمار و بیژه‌ن زه‌نگه‌نه‌یێ وه‌زیرێ په‌ترۆلێ دا چێبوویه‌ و روحانی بریار دایه‌ زه‌نگه‌نه‌ی ژ كار لابده‌ت.
لدۆر ئه‌گه‌رێن ژ كارلادانێ ژی، وی په‌رله‌مانتاری گۆت: وه‌زیرێ په‌ترۆلێ د چارچووڤه‌یێ سزایێن نها دا، پلانێن وه‌ها د بیاڤێ هنارتنا په‌ترۆل و غازێ دا پێشكێش نه‌كرن و رۆلێ وی لاوازبوویه‌، له‌ورا روحانی بریاردایه‌ ژ كار لابده‌ت.
بیژه‌ن زه‌نگه‌نه‌ خه‌لكێ كرمانشاهێ یه‌ و د كابینه‌یا ئه‌كبه‌ر هاشمی ره‌سفه‌نجانی دا وه‌زیرێ ووزه‌یێ بوویه، هه‌روه‌سا د كابینه‌یا محه‌مه‌د خاتمی ژی بۆ ده‌ما هه‌شت سالان وه‌زیرێ په‌ترۆلێ بوو.

بابه‌تێن ب ڤێ مژارێ ڤه‌ گرێدای