ره‌فتارێن كچان د قۆناغا ئه‌ڤینیێ دا

ره‌فتارێن كچان د قۆناغا ئه‌ڤینیێ دا

وار – دهۆک :

هه‌رده‌م كچ به‌ره‌ڤاژی كوڕانن، كچ زێده‌تر هۆگرێن خوه‌شتڤیێن خوه‌ دبن، هه‌ر ده‌ما كو كچ كه‌ڤتنه‌ د داڤێن ئه‌ڤینداریێ دا، هنده‌ك گۆرانكاری لده‌ف وان په‌یدادبن كو دبیت هنده‌ك ژ وان گۆرانكارییان باش بن و هنده‌ك ژی خراب بن. ئه‌و گۆرانكاریێن د كچان دا په‌یدادبن، پێنج تشتن.
پێگه‌هێ elitedaily، ئه‌مریكا ئه‌و خالا به‌رچاڤكرینه‌ كو پشتی چۆنا د ناڤ حه‌زژێكرنێ دا لده‌ف كچان په‌یدادبن، ئه‌و ژی ئه‌ڤێن خوارێنه‌:
1ــ ئاخڤتن‌ و ده‌ق و ره‌فتارێن وان د گه‌ل هه‌ڤالێن وان و هه‌تا كه‌سێن نه‌ناسكری ژه‌ نه‌رم و خوه‌شتر لێ دهێت و ژبه‌ر خوه‌شییا خوه‌، خوه‌شیێ ب ده‌وروبه‌رێن خوه‌ دبه‌خشیت.
2ــ پشتی وێ ئێكێ، زێده‌تر د‌چیته‌ ئاهه‌نگێن هه‌ڤژینیێ و غیره‌تێ ژی ناكه‌ت، ژبه‌ركو دزانیت كێ د گه‌ل خوه‌ دا دبه‌ت.
3ــ ل ده‌ستپێكا كه‌ڤتنا د ناڤ حه‌زژێكرنێ دا، كچ زێده‌تر گرنگیێ ب روخسار و جل و ب تایبه‌ت رێژیمكرنێ ژی د‌ده‌ت كو پێشتر چو جاران وه‌سا نه‌بوویه‌.
4ــ پشتی گرێدانا په‌یوه‌ندییا حه‌زژێكرنێ، كچ ب ئاوایه‌كێ جودا ژ به‌رێ، هزر ل پاشه‌ڕۆژا خوه‌ دكه‌نه‌ڤه‌، ژبه‌ركو نوكه‌ كه‌سه‌ك د ژیانا وان دایه‌ و پێدڤییه‌ د هزر و رایێن خوه‌ دا بچیته‌ڤه‌.
5ــ پشتی چۆنا د ناڤ داڤێن حه‌زژێكرنێ دا، كچ گرنگیێ ب ره‌وشه‌نبیرییا سێكسی دده‌ن كو دكه‌ڤنه‌ لبه‌ر خواندن و پرسیار و باس و دانوستاندنان لسه‌ر ڤی بابه‌تی.
ئه‌ڤه‌ ئه‌و گۆرانكارینه‌ لده‌ف كچێ پشتی چۆنا د ناڤ داڤێن حه‌زژێكرنێ دا په‌یدادبن، ئانكو ژ ڤان خالان بۆ مه‌ دیاردبیت ده‌ما كچ دچیته‌ د ناڤ حه‌زژێكرنێ دا و ئه‌ڤیندارێ كه‌سه‌كی دبیت، وێ گاڤێ گه‌له‌ك ره‌فتار و كریار و هزرێن خوه‌ دگوهۆڕیت، ئه‌و ژی پێخه‌مه‌تی وێ په‌یوه‌ندییا كه‌ڤتییه‌ تێدا و ل وی ده‌می وێ پتر هیڤی ب ژیانێ و پاشه‌ڕۆژێ هه‌نه‌، ئه‌ڤجا ئه‌ڤه‌ وێ ئێكێ ژی دگه‌هینیت كو حه‌زژێكرن كچێ گه‌له‌ك نه‌رم و ئارامتر لێ دكه‌ت و هزرێن ئه‌رێنی و باش دكه‌ته‌ د مێشكێ وێ دا.

بابه‌تێن ب ڤێ مژارێ ڤه‌ گرێدای