راونیچ و تیم ده‌ربازبوونه‌ پێش داوییا تێنسا ئێندیان وێلس

راونیچ و تیم ده‌ربازبوونه‌ پێش داوییا تێنسا ئێندیان وێلس

WAAR-دهۆك:

یاریکەرێ کەنەدی میلۆش راونێچ دەربازبوو قۆناغا پێش داویێ ژ قارەمانییا ئێندیان وێلس یا تێنسێ، دەمێ سەرکەڤتنەکا بساناھی لسەر ھەڤرکێ خوە یێ سربی میۆمێر کیکمانوڤیچی ب دوو کۆمان بێ بەرامبەر تۆمارکری، راونێچی ب درێژاھییا ڤێ دیدارێ چ ئاستەنگ شکاندنا سێرڤێن یاریکەرێ سربی دا نەدیتن و شییا ھەردو کۆمان ب ئەنجامێ 6-3 و 6-4 دبەرژەوەندییا خوە دا ئێکلابکەت و پلێتا قۆناغا پێش داویێ ببریت، ژلایەکێ دیڤە یاریکەرێ نەمسایی دۆمینیک تیم بێیی کرنا یاریێ دەربازبوو ھەمان قۆناغ، پشتی ھەڤرکێ وی یێ فرەنسی گایێل مۆنفیسی ب ئەگەرێ ھنگاڤتنێ خوە ڤەکێشای، مۆنفیسی بەری یاریێ ب چەند خۆلەکەکان ھەست ب ئێشانێ د چووکێ خوە دا کر و دیارکر کۆ وی د یارییا بۆری دا بەرامبەر کۆلشرایبەری ھەست بڤێ ئێشانێ دکر و نەشییا بەری ڤێ دیدارێ ژھنگاڤتنا خوە چاک بیت.

یاریکەرا ئەلمانی ئەنجلیک کێربەرێ بەردەوامی دا پێشکەڤتنا خوە د قارەمانییا ئێندیان وێلس یا تێنسێ دا و دەربازبوو قۆناغا پێش داویێ، دەمێ سەرکەڤتنەکا بزەحمەت ل سەر ھەڤرکا خوە یا ئەمریکی ڤینۆس ویلیامزێ ب دوو کۆمان بێ بەرامبەر تۆمارکری..ھەردوو یاریکەر ب ھێز ھاتنە دیاریێ دا و ھەڤرکییەکا بھێز دناڤبەرا واندا ھاتە دیتن و یاری بەرەڤ خالا تایبرێکێ ڤە چوو و کێربەر شییا ب 7 خالان بەرامبەر ٣ خالان پێشکەڤیت و ڤێ کۆمێ بدەستڤە ببەت، د کۆما دویێ دا ستێرا تێنسا ئەلمانی ھەرزوو سێرڤا ڤینۆسێ شکاند و ب ئەننجامێ 6-3 ئەڤ کۆمە ژی ئێکلاکر و گەھشتە قۆناغا پێشداویێ، کۆ دێ رووبرو یاریکەرا سۆیسری بلیندا بێنسێچێ بیت ئەوا ژلایێ خوەڤە سەرکەڤتنەکا ب زەحمەت لسەر ستێرا تێنسا چیکی کارۆلینا پلیسکۆڤایێ ب 2 کۆمان بەرامبەر کۆمەکێ تۆمارکری ب ئەنجامێ 6-3 و 6-4 و 6-3.

بابه‌تێن ب ڤێ مژارێ ڤه‌ گرێدای