رامۆس بەرەڤ خولا ئنگلته‌را چوو

رامۆس بەرەڤ خولا ئنگلته‌را چوو

وار – دهۆک :

د هندەک راپۆرتێن رۆژنامەڤانی دا باس ل وێ یەکێ دهێتەکرن کو یاریکەر سێرجیۆ رامۆس بەرگریکارێ یانەیا ریال مەدرید و هەلبژارتیێ ئسپانیا ب رژدی هزر دکەت ژ ناف رێزێن یانەیا شاهانە بچیت، لدەمێ ئەو دگەل دەستەیا کارگێریا یانێ نەگەهنە چ رێککەڤتنان ژبۆ نووکرنا گرێبەندا وی، ئەوا کو دێ ل هاڤینا سالا ٢٠١٧ێ بداوی هێت، رۆژنامەیا سەندەی پیپپۆل یا ئنگلیزی ئاماژە ب وێ چەندێ کر کو یاریکەر رامۆس دخازیت گرێبەندا خۆ درێژ بکەت یان رێک بۆ بهێتە دان بەرەف یانەیاکا خۆلا ئنگلیزی بچیت، لێ نها راهێنەرێ نوو یێ یانەیا ریال مەدرید رافائێل بێنیتێس ژ رامۆسێ ٢٩ سالی دخازیت یێ بەردەوام بیت دگەل یانێ، زێدەتر ڤان رۆژناما دیارکر کو یانەیا چێلسی قارەمانا خۆلا ئنگلیزی و مانشێستەر سیتی هەلگرا ناسناڤێ پریمەر لیگێ یێن وەرزێ چۆی زێرەڤانیێ ل پەیوەندیێن نها یێن رامۆسی دگەل یانەیا وی دکەن، دبیت چێلسی گرێبەندا یاریکەرێ ناڤبری بۆ هاڤینا ٢٠١٦ پاشڤە ببەت داکو ببهایەکێ ئەرازنتر بکریت، لێ مانشێستەر سیتی کاردکەت ژبو بدەستڤە ئینانا شیانێن یاریکەری دڤێ سالێ دا، لێ کارگێریا مێرێنگێ ب کێمتر ژ ٥٠ ملیۆن جنەیێن ئسترلینی دەستا ژ دلێ بەرگریکارێن کەلا سپی بەرنادەت.

بابه‌تێن ب ڤێ مژارێ ڤه‌ گرێدای