د 5 رۆژێن بۆری دا 7 خوه‌نیشانده‌ر هاتینه‌ كوشتن و 159 بریندار بووینه‌

د 5 رۆژێن بۆری دا 7 خوه‌نیشانده‌ر هاتینه‌ كوشتن و 159 بریندار بووینه‌

WAAR-دهۆك:

ژ ئه‌نجاما وێ ئالۆزی و توندوتیژییا ل دژی خوه‌نیشانده‌ران دهێت بكارئینان، د 5 رۆژێن بۆری دا پتری 160 خوه‌نیشانده‌ران بووینه‌ قوربانی.
كۆمسیۆنا مافێن مرۆڤی ل ئیراقێ ئامارا پێنج رۆژێن بۆری یا زیانێن گیانی یێن خوه‌نیشاندانێن ئیراقێ به‌لاڤ كر و ل گۆری وێ، ژ 12ی ڤێ مه‌هێ هه‌تا ئه‌ڤرۆ رۆژا ئێشكه‌مبێ، حه‌فت خوه‌نیشانده‌ر هاتینه‌ كوشتن و سه‌د و پێنجی و نه‌هـ ژی بریندار بووینه‌.
دیار ژی كر، قوربانی یێن به‌غدایا پایته‌خت و پارێزگه‌هێن به‌سرا و زیقارێ نه‌ و هه‌موو ب ته‌قه‌یا پۆلیسان و بكارئینانا بۆمبێن رۆندكرێژ هاتینه‌ هنگافتن.
ل گۆری ئامارا گشتی یا كۆمسیۆنا مافێن مرۆڤی، ژ ده‌ستپێكا خوه‌نیشانده‌ران، پتری سێسه‌د و بیست و پێنج كه‌سان هاتینه‌ كوشتن و هه‌روه‌ها هه‌ژمارا بریندارا ژی ژ پازده‌ هزار كه‌سان ده‌رباز بوویه‌.

بابه‌تێن ب ڤێ مژارێ ڤه‌ گرێدای