د 13 سالان دا 312 ملیار دۆلار ل بەغدایێ هاتینە دزین

د 13 سالان دا 312 ملیار دۆلار ل بەغدایێ هاتینە دزین

WAAR-دهۆك:

رۆژنامەیەکا ناڤدار یا فرەنسی د راپۆرتەکێ دا ب ناڤێ پەنجەشێر ئاشکرا کر: د سێزدە سالێن بووری دا، حکومەتێن ئیراقێ پتری سێسەد ملیار دۆلاران ب گەندەلی دزینە.
رۆژنامەیا لو فیگارۆ یا فرەنسی راپۆرتەکا تایبەت ل سەر گەندەلیا کو ل سەر ئاستێ حکومەتا ئیراقێ ل بەغدایێ دهێتە کرن،بەلاڤ کر و تێدا راگەهاند: کێشەیا گەندەلییێ ل بەغدایێ ب زەحمەت بهێتە چارەکرن، ژ بەر کو گەندەلی ل ئیراقێ بوویە سیستەم و چارەکرنا وێ وەکو ڤالاکرنا دەریایێ ب کەڤچکەکی یە.
د راپۆرتێ دا دایە زانین ژی: حکومەتا ئیراقێ ژبلی بیست و حەفت وەزیران، پتر ژ چوارسەد وەزیرێن ب وەکالەت هەنە، پرانییا وان خوەدان پاسپۆرتێن ئەورۆپی نە، ب ڤی رەنگی دەسکەفتێ خوە یێ گەندەلییێ ژ ئیراقێ دەرخستییە.
رۆژنامەیا لو فیگارۆ دیار ژی کر، کو د سێزدە سالێن بووری دا،نێزیکی هەشتسەد ملیار دۆلار هاتینە گەنجینەیا دەولەتێ و ژ وان سێسەد و دوازدە ملیار ب سەدەما گەندەلییێ هاتینە دزین.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.