د ڤەکۆلینەکا نوو دا ڤەخوارنا چایێ ب مفایە بۆ هەستییێن ئه‌ختياران

د ڤەکۆلینەکا نوو دا ڤەخوارنا چایێ ب مفایە بۆ هەستییێن ئه‌ختياران

وار – ئومێد محمد بناڤی :

ڤەکۆلەرێن ژاپۆنی ئاماژە ب وی یەکێ دان کو ڤەخوارنا چایا رەش دشێت ببیتە رێکەکا هاریکارییێ بۆ چارەکرنا نەخوەشییا پێتیبوونا هەستییان لدەف کەسانێن ئهختیار، لێ ئاماژە ب وێ یەکێ دان کو پێدڤییە بڕێن مەزن ژ چایێ رۆژانە بهێتە ڤەخوارن دا کو ئەڤی ئەنجامی بدەست خوەڤە بینن.

ڤەکۆلەران دا خۆیاکرن کو چایا رەش مادەیەکا دژەئۆکسێنەر بخۆڤەدگریت کو دژی تێکچوونا خانەیێن هەستییان کاردکەت کو دگەل دەمی دبیتە ئەگەرێ پێتیبوون و نەرمبوونا هەستییان و هەر ب ڤی رەنگی ئەڤ پێتیبوونە دبیتە ئەگەرێ زێدەبوونا مەترسییا شکەستنان لدەف کەسێن ئهختیار.
تیمێ ڤەکۆلەران ب سەرۆکایەتییا “کیزو نیشیکاوا” ژ زانکۆیا “ئوساکا” ئەو چەندە دیارکرن کو مادەیێ “تیافلاڤین” “تی ئێف 3” یا کو دهێتە هژمارتن مادەیەکێ دژەئۆکسێنەر رادبیت ب ژناڤبرنا ئەنزیمەکێ کو ب کارێ بۆهژاندنا شانەیێن هەستییان رادبیت.
ئەڤ ڤەکۆلینا کو ل ماڵپەڕێ “نەیچەر مێدسن” یا ئەمریکی بەلاڤبووی گەهشتە وێ یەکێ د ڤەکۆلینێن خوە دا کو ئەو مشکێن ئاریشەیێن هەستییان مینا پێتیبوونێ هەبوون، مادەیێ “تی ئێف 3” بۆ هاتە دان، لدووڤدا دیاربوو کو چراتییا هەستییان لدەف ئەڤان مشکان بەرەف باشترڤە چوو، هەتا رادەکی کو چراتییا هەستییێن وان وەکهەڤ بوو دگەل مشکێن ساخلەم.
لێ ڤەکۆلینێ ئاماژە ب وێ یەکێ دا کو کەسێ پێگەهشتی و سەنگا لەشی ب نزیکی 60 کیکوگرام بیت دێ پێدڤی ب 60 کۆپێن چایێ بیت بۆ هەیاما سێ رۆژان دا کو ئەنجامەکێ باشتر یێ بەرچاڤ ب دەست خوە ڤە بینیت د چراتییا هەستییان دا، هەروەکی ئاژانسا “جیجی پرێس” دیاکری.
هەژی گۆتنێیە کو نەخوەشییا پێتیبوونا هەستییان بەهراپتر لدەف ئافرەتان پەیدادبیت ب تایبەتی پشتی د ههیاما ئهختیاربوونێ دا کو ئەڤە ژی ئاریشەیەکا مەزنە د جڤاکێن مەزن مینا ژاپۆنێدا.

بابه‌تێن ب ڤێ مژارێ ڤه‌ گرێدای