د ڤەکۆلینەکا نوو دا تەکنیکەکا نوو بۆ چارەکرنا دەمارێن ھنگاڤتی

د ڤەکۆلینەکا نوو دا تەکنیکەکا نوو بۆ چارەکرنا دەمارێن ھنگاڤتی

وار – دهۆک :

دەمار پێکھاتەیەکا کۆئەندامێ مەژی و دەماران یێ هەرە گرنگە د لەشێ مرۆڤیدا و یێ بەرپرسە ژ گەهاندنا نیشاندەرێن کارەبایێ د لەەشێ مرۆڤیدا، گەلەک جاران ژکاردکەڤن لدەمێ روودانان و دهێنە هنگافتن وچارەسەرییا وان ژی نە گەلەک یا هێسانە، و ب تایبەتی لدەمێ روودانێن ترۆمبێلان وشکەستنا هەستیان کو فشارەک ل دەماران ژی دهێتە کرن و دبیتە ئەگەرێ نەگەهاندنا نیشاندەرێن کارەبایی ژ مەژی بۆ ئەندامێ هنگافتی و ئەڤە ژی دبیتە مەترسیەکا مەزن لسەر ژیانا مرۆڤی و ئەو جهێ هنگافتی و لدووڤدا دمریت، لڤێ داوییێ ژی تیمەکا زانایێن زانینگەها “شەفیلد” یا بریتانی ئامیرەکێ بسێ دووراتیان یێ نمایشکری دکاریت دەمارێن هنگافتی بزڤرینیتەڤە جارەک دن.
ئەو ئامیرە ژی یێ بناڤکری ب NGC ئانکو کەنالێ گەهاندنا دەماران و ئەڤە ژی دهێتە پێشبینیکرن کو ببیتە چارەسەرییەک بو کۆمەئەندامێ دەماری پشتی روودانێن جودا جودا بسەردا دهێن.
ئەڤ ئامیرە ژی پەیکەرەکە یێ پێکهاتی ژ هندەک لۆلەکێن گەلەک هوور دگەهیننە سەرێ داڤێن دەمارێن هنگافتی، ئەو ئەندامێ دەماری ژی دێ رابیت بدروستکرنا جهێ هنگافتی ژ ئەگەرێ روودانێ و وەرارا سرۆشتی دێ کەت ب رێیا لۆلەکێن فایبەری یێن ناڤبری.
ئەو کەسێن دناڵن ژ هنگافتنا دەماران ژ ئێک دو د جودانە د بارێ نەخوەشیا خوەدا، هندەکان هەر بئێکجاری هەستکرن لجهێ هنگافتی نەمایە و هندەکان ژی هەستکرنا وان یێ کێم بووی، بۆ کەسێن بارێ ئێکێ ژی نشتەرگەرییان ئەنجامددەن و وان جهێن دەماران یێن هاتینە قەتاندن سەرکێن وان دگەهیننە ئێک و پێکڤە د درن، لێ ئەڤە ژی هەموو جاران سەرناکەڤیت و چ دابینکرنەکا مسووگەر تێدا نینە.
لێ رێیا نوو ئەوا هاتییە نمایشکرن ژ لایێ ئەندازیارێن زیندەوەری ڤە ژ زانینگەها شەفیلد سیستەمێ دیزاینا ئۆتۆماتیکی یێ بکارئینای بۆ دروستکرنا بەرهەمێ دوماهیکێ برێیا پرینتەرێن سێ رەهەند، ژ باشیێن ڤێ رێیا نوو ژی ئەو سەرەدەریێ دگەل گەلەک جۆرێن هنگافتنێن دەماران دکەت و بۆ کەسێن هنگافتی یا باشە چ جیاوازی دناڤبەرا هنگافتنێن وان دا ژی هەبیت.
هەژییە بێژین ژی زانایان تاقیکرنێن ئامیرێ نوو ژی ئەنجامدان لسەر مشکان یێن کو دووراتییا دناڤبەرا هەردو سەرێن تایێن دەمارێن هنگافتی گەهشتیە سێ ملیمان، ئەو مشک دروست بوون و دەمارێن وان ڤەگەریانە ڤە بۆ سەر فەرمانێ خوە ب هاریکاریا NGC بتنێ د ھەیامەکا کێم دا.

ژ ماڵپەڕێ
http://arabic.rt.com/news

بابه‌تێن ب ڤێ مژارێ ڤه‌ گرێدای