د ناڤبه‌را كونسلخانه‌ و بالیۆزخانێ‌ دا

شێرزاد نایف
ئه‌ینیا بۆری دانانا به‌رێ‌ بنیاتێ‌ مه‌زنترین كونسلخانه‌یا ئه‌مریكی ل عێنكاوه‌یا هه‌ولێر هاته‌ دانان، راسته‌ به‌ره‌ به‌لێ‌ خواندنا جیهانێ‌ گه‌له‌ك ژ وی به‌ری مه‌زنتر بوو، خواندنا مه‌ یا كوردواری ژی كو مه‌ و ئاریشێن مه‌ گرنگترینه‌، وه‌كو دبێژین فلان تشت ((ده‌ستێ‌ ل بن به‌ری یه‌))، كو ئه‌و به‌ر رامانا گه‌له‌كێ‌ دده‌ت، واته‌ هه‌می كاروبار و نهێنی و گرنگیێن هه‌ره‌ مه‌زن ب هه‌می باوه‌ری و متمانه‌یا خوه‌ ددانیته‌ بن وی به‌ری، ئه‌و به‌ر هاته‌ دانان ل نیڤا هه‌مبێزا هه‌ولێرا پایته‌خت. گه‌له‌گا گرنگه‌ هه‌رێما كوردستانێ‌ ببیته‌ پشكه‌كا گرنگ یا وه‌كو ویلایه‌ته‌كا ئه‌مریكی ـ ئه‌ڤ ده‌سته‌واژه‌یا به‌ری دو سالان من كریه‌ مانشێتێ‌ گۆتاره‌كا خوه‌ (كوردستان ویلایه‌ته‌كا ئه‌مریكی) بۆ مه‌ دوعا دایبابانه‌!!، هه‌كه‌ هات و ئه‌و كونسلخانه‌ و ب وی رووبه‌رێ‌ هندێ‌ مه‌زن ل هه‌ولێرێ‌ بهێته‌ دانان، ئاماژه‌كه‌ كو هه‌مان رۆلی یان به‌لكو زێده‌تر ژی بیت ژ یێ‌ بالیۆزخانه‌یا خوه‌ ل به‌غدا!. هه‌لبه‌ت دێ‌ بۆ بلندكرن و ب هێزخستنا خوه‌ ل هه‌ولێرێ‌ كه‌ت، وه‌كو ئه‌رده‌كێ‌ (خصب) وه‌كو عه‌ره‌ب دبێژن، بۆ چاندنا كیانێ‌ خوه‌، گه‌فه‌كه‌ بۆ هه‌ر وه‌لاته‌كێ‌ بخوازیت ئه‌جینده‌یێن خوه‌ ل ڤێ‌ ده‌ڤه‌رێ‌ بچینیت، دابڕینه‌ بۆ هه‌می هێلالێن شیعی و سونی و توركی و ئیرانی و .. هتد. وه‌كو فۆرماتكرنه‌كێ‌ یه‌، ب هیڤیا رۆژه‌كا نێزیك ـ بلا 2020 بیت بۆ میناك كو تنێ‌ رقعا كونسلخانه‌ بهێته‌ راكرن و ببیته‌ بالیۆزخانه‌ بۆ راگه‌هاندنا ده‌وله‌تا كوردستانه‌كا سه‌ربخوه‌.. دێ‌ بۆ ئه‌مریكا باشتر بیت ژ گه‌له‌ك وه‌لاتێن دیتر یێن ده‌وربه‌ر كو سه‌ربۆرێن نه‌خۆش ژێ‌ وه‌رگرتین. لێ‌ هه‌رێما كوردستانێ‌ و تایبه‌ت كه‌سێ‌ نێچیرڤان بارزانی گه‌له‌ك ب شارازای شیا دارێ‌ ژ نیڤێ‌ بگریت و خه‌بات و حنكاتیا سیاسی یا بارزانیزم یا شۆرشگێری بێخته‌ د خزمه‌تا چاره‌سه‌كرنا هه‌می ئاریشێن خه‌لكێ‌ هه‌رێمێ‌ دا.. چونكو هه‌می ئاماژه‌ بۆ هندێ‌ دچن كو ئه‌ڤه‌ به‌رێ‌ بنیاتێ‌ بالیۆزخانێ‌ یه‌ و تنێ‌ ناڤ دمینیت بهێته‌ راگه‌هاندن.. نموونه‌ ژی ئه‌و سه‌ره‌ده‌ریا ئه‌مریكا یا به‌نتاگۆن ل گه‌ل هێزێن پێشمه‌رگێ‌ كوردستانێ‌ دكه‌ت، هه‌می به‌ندێن فه‌رمی و یێن رۆتینی یێن ده‌وله‌تا عیراقێ‌ و ده‌ڤه‌رێ‌ و پیڤه‌رێن ئاسایی شكاندن به‌لكو هاتیه‌ بژاره‌ كرن بۆ ئه‌ندابوونا قولپا ناتۆ دا، هه‌كه‌ توركیا و به‌ڤلاتیا وێ‌ نه‌با نوكه‌ ئه‌ڤ مژاره‌ گه‌له‌ك دژواتر لێهاتیه‌.. گه‌له‌ك میناكێن دیتر هه‌نه‌ ناڤوده‌نگیا حوكمه‌تا هه‌رێمێ‌ سپی و ئه‌كتیڤتر لێدكه‌ت، مینا ئه‌و تاوانبارێ‌ كوژه‌ك یێ‌ ل دهۆكێ‌ بۆ ئه‌لمانیا هاتیه‌ راده‌ستكرن جهێ‌ باوه‌ریه‌كا قانوونی بوویه‌، كو كێم ده‌وله‌ت دكارن وێ‌ دلسۆزیێ‌ بده‌نه‌ حوكمه‌تێن هه‌ڤدو.. یانژی ئه‌و رۆلێ‌ هه‌ڤسه‌نیگیێ‌ یێ‌ چاره‌سه‌ركرنا هه‌می قه‌یرانێن عیراقێ‌ و ده‌ڤه‌رێ‌ و پاشڤه‌برنا تیرۆرێ‌ و چه‌كدارێن داعش و ئه‌نجامێ‌ ریفراندۆمێ‌ و هه‌بوونا ئیراده‌كا كمێم وێنه‌ ل سه‌رانسه‌ری و پێگیریه‌كا ئێكگرتی ب كه‌سێ‌ سه‌رۆك بارزانی و سه‌رخستنا ئاشتیێ‌ و هه‌بوونا ئارامیێ‌ و به‌رقه‌راریا ئه‌وله‌هیێ‌ .. هه‌می ده‌سكه‌فتن بۆ ملله‌تێن مه‌ و ئه‌نجامێ‌ وان دێ‌ ل پاشه‌رۆژێ‌ پتر دیار بن به‌س وه‌دیاره‌ خه‌لكه‌ك خوه‌ تێناگه‌هینیت.!.
ــــــــــــــــــ

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.