د مه‌ها بۆری دا ئیراقێ 97ملیۆن به‌رمیلێن پترۆلێ هنارتینه‌ ده‌رڤه‌

وار – دهۆک :

وه‌زاره‌تا په‌ترۆلا ئیراقێ راگه‌هاند؛ د مه‌ها بۆری دا، ئیراقێ 97ملیۆن به‌رمیلێن پترۆلێ هنارتینه‌ ده‌رڤه‌ و داهاتێ وێ ژی، پتری 5 ملیار دۆلاران بووینه‌.
د راگه‌هاندنه‌كێ دا، عاسم جیهاد په‌یڤدارێ وه‌زاره‌تا په‌ترۆلا ئیراقێ ئاشكراكر؛ د مه‌ها بۆری دا، ئیراقێ 97ملیۆن و 504هزار به‌رمیلێن پترۆلێ ب رێیا كومپانییا سۆمۆ هنارتینه‌ ده‌رڤه‌، ب ره‌نگه‌كی رۆژانه‌ 3ملیۆن و 145هزار به‌رمیل هنارتینه‌ ده‌رڤه‌.
دیار ژی كرییه‌؛ د مه‌ها بۆری دا، هه‌ر به‌رمیله‌كا پترۆلێ ب 55دۆلاران هاتییه‌ فرۆتن و كۆیا داهاتێ فرۆتنا پترۆلێ 5 ملیار دۆلار ده‌ربازكرینه‌.
دایه‌ زانین ژی كو ژ پترۆلگه‌هێن باشۆرێ ئیراقێ و تایبه‌ت ژی ل به‌سرا 83ملیۆن و 520هزار به‌رمیل هاتینه‌ هنارتن و ژ پترۆلگه‌هێن باكۆرێ ئیراقێ ژی، 13ملیۆن و 984 هزار به‌رمیل هاتینه‌ هنارتن.

بابه‌تێن ب ڤێ مژارێ ڤه‌ گرێدای