د سالا 2018ێ دا 137 ھزار وەلاتییان تورکیا بجھـ ھێلایە

د سالا 2018ێ دا 137 ھزار وەلاتییان تورکیا بجھـ ھێلایە

WAAR-دهۆك:

ل گۆری ئامارێن فەرمی، د سالا 2018ێ دا 137 هزار وەلاتییێن تورکیا کۆچبەر بووینە و ل وەلاتێن ئەورۆپی خوەجھـ بووینە.
بەرنامەیا سەرۆکاتی یا سەر ب سەرۆککۆمارییا تورکیا ڤە د ئامارەکا نوو دا ئاشکەرا کر: کۆچبەربوونا وەلاتییێن تورکیا د سالا 2018ێ دا ژمارەیەکا نوو یا پیڤانەیی تۆمار کرییە و 137 ھزار وەلاتی کۆچبەر بووینە و ل وەلاتێن ئەورۆپی خوەجھـ بووینە و ئەو ژمارەیە ب به‌راوه‌ردی د گەل سالا 2017ێ دا 20% زێدە بوویە.
ئەردۆغان تۆبراک، پەرلەمانتارێ پارتییا گەل یا کۆماری، جەھەپێ و مەزنە شیرەتکارێ سەرۆکێ وێ پارتییێ، دیار کر : وەلاتییێن بێزار و نەرازی ژ ئاوایێ برێڤەبرنا وەلاتی، تورکیا بجھـ دھێلن و ناسنامەیا وەلاتەکێ دی بدەست دئێخن و سەرمایەدار و دەولەمەند، ئاڤاهیان ل پۆرتۆگال، مەکەدۆنیا و یونانستانێ دکرن و بێکار ژی ژ بۆ بدەستخستنا کاری تورکیا ب ئێکجاری بجھـ دھێلن.
ھەر ل گۆری ئامارا سەرۆکاتییا کۆمارا تورکیا؛ نھا زێدەتری 6 ملیۆن و 500 ھزار وەلاتییێن تورکیا پەنابەرێن ژ دەرڤەیی تورکیا نە و زێدەتری 5 ملیۆن کۆچبەرێن وەلاتێن دی ل تورکیا نە.

بابه‌تێن ب ڤێ مژارێ ڤه‌ گرێدای